Google بەلسەندى ەمەس اككاۋنتتاردى وشىرە باستايدى

2023-جىلدىڭ 1- جەلتوقسانىنان باستاپ Google ەكى جىلدان استام پايدالانىلماعان اككاۋنتتاردى وشىرە باستايدى. Kazinform بۇل تۋرالى BBC باسىلىمىنا سىلتەمە جاساپ حابارلايدى.

Google بەلسەندى ەمەس ەسەپتىك جازبالار ساياساتىنا سايكەس، جۇمادان باستاپ بەلسەندى ەمەس اككاۋنتتاردى جويا باستايدى.

كومپانيا «قۇرىلىپ، ەشقاشان پايدالانىلماعان» اككاۋنتتاردان باستاپ كەزەڭ-كەزەڭىمەن ءوشىرىپ وتىراتىنىن اتاپ ءوتتى.

مامىردا ينتەرنەت الىبى ەسكى اككاۋنتتاردى بۇزۋ جەڭىل ەكەنىن، سەبەبى ولار ەسكى قۇپياسوزبەن قورعالعانىن جانە كوبىندە قوس فاكتورلى سايكەستەندىرۋ جوق ەكەنىن ءمالىم ەتتى.

بىرەۋ ءۇشىن جۇمىسى نەمەسە وقۋ ورنى اشقان ەسەپتىك جازبالارعا تيىسپەيدى.

ەسەپتىك جازبانى وشىرمەس بۇرىن اككاۋنتتىڭ ەلەكتروندى پوشتاسى مەن قوسىمشا مەكەنجايىنا ەسكەرتۋ جىبەرىلەدى.

اككاۋنتتى ساقتاپ قالۋ ءۇشىن وعان كىرىپ، Google سەرۆيستەرىنىڭ كەز كەلگەنىندە بەلسەندى بولۋ قاجەت. ماسەلەن، ەلەكتروندى حاتتاردى وقۋ نەمەسە جىبەرۋگە، Google Drive ،Google Play پايدالانىپ، YouTube-تاعى ۆيدەونى كورۋگە بولادى.

ەسەپتىك جازبانى تۇراقتى قولدانىپ وتىرعان اككاۋنتتارعا قاۋىپ تونبەيدى.