فلوريدادا «ميلتون» داۋىلىنان قازا تاپقان ادامدار سانى ارتتى

استانا. KAZINFORM - فلوريدادا «ميلتون» داۋىلى قۇرباندارىنىڭ سانى 14 ادامعا جەتتى، دەپ حابارلايدى NBC News.

تورنادو پايدا بولعان اتلانت مۇحيتى جاعالاۋىنداعى سەنت-ليۋسي وكرۋگىندە وسى ۋاقىتقا دەيىن 5 ادامنىڭ قازا تاپقانى راستالدى. پوليتسيا مالىمەتىنشە، سەنت-پەتەرسبۋرگتە ەكى ادام قازا تاپتى. ۆولۋسيا وكرۋگىنىڭ شەريفى ءۇش ادام مەرت بولعانىن حابارلادى. سيترۋس وكرۋگىندە كولىك ۇستىنە اعاش قۇلاپ، ەر ادام كوز جۇمعان.

كەلتىرىلگەن شىعىننىڭ تولىق كولەمى ازىرگە باعالانعان جوق.

«ميلتون» داۋىلى فلوريدادانى قۋات كوزدەرىنەن اجىراتتى. قازىرگى كەزدە 3,2 ميلليون ادام جارىقسىز وتىر. شتاتتاعى كوپتەگەن ءۇي زاقىمدانعان، قيراعان. سەنت-پيتەرسبەرگتە جەلدەن جەرگىلىكتى بەيسبول ستاديونىنىڭ شاتىرى جۇلىنىپ، وعان جاقىن جەردە كوتەرگىش كران قۇلاعان.

بۇعان دەيىن ا ق ش-تا 5 ميلليونعا جۋىق ادام ەۆاكۋاتسيالاۋ تۋرالى بۇيرىق العانى حابارلانعان بولاتىن.

Florida State University ،University of Florida ،University of South Florida جانە University of Miami-دە ءبىلىم الىپ جۇرگەن قازاقستاندىق ستۋدەنتتەر ۇيىندە وتىر. وقۋ ورىندارى ۋاقىتشا جابىلىپ، وقۋ پروتسەسى توقتاتىلدى.

حالىقارالىق باعدارلامالار ورتالىعى «ميلتون» داۋىلىنىڭ فلوريداعا جاقىنداعانىنا بايلانىستى جاعدايدى باقىلاپ وتىر.

اۆتور
زارينا تۋعانبايەۆا