شۆەيتساريا مەن يتاليا مۇزدىقتاردىڭ ەرۋىنە بايلانىستى شەكاراسىن وزگەرتەدى
استانا. KAZINFORM - ەكى ەلدىڭ شەكاراسى مۇزدىقتارمەن نەمەسە ەرىمەگەن قار ۋچاسكەلەرىمەن انىقتالادى. ءبىراق سوڭعى جىلداردا مۇزدىقتار كولەمىنىڭ كۇرت تومەندەۋى تابيعي شەكارانىڭ وزگەرۋىنە سەبەپ بولدى. بۇل وزگەرىستەر ءقازىردىڭ وزىندە ناقتى گەوگرافيالىق وزگەرىستەردى كورسەتەدى، دەپ جازادى BBC.
وزگەرىسكە ۇشىراعان اۋماقتىڭ ءبىر بولىگى ەۋروپاداعى ەڭ بيىك شىڭداردىڭ ءبىرى جانە ايگىلى تاۋ شاڭعىسى كۋرورتى ماتتەرحورن باۋرايىنان وتەدى.
شەكارا وزگەرىستەرىنىڭ جوباسىن 2023 -جىلدىڭ مامىرىندا شۆەيتساريالىق- يتاليالىق توپ دايىنداعان. شۆەيتساريا كەلىسىمدى ماقۇلدادى، يتاليا ءالى قول قويعان جوق.
شۆەيتساريا جۇما كۇنى شەكارانى قايتا قاراۋ ەكى ەلدىڭ ەكونوميكالىق مۇددەسىنە ساي كەلەتىنىن ايتتى. ويتكەنى بۇل ولاردىڭ قايسىسى تابيعي اۋماقتى ۇستاۋعا جاۋاپتى ەكەنىن كەلىسۋگە كومەكتەسەدى.
شۆەيتساريا مۇزدىقتارى 2023 -جىلى كولەمىنىڭ 4 پايىزىن، 2022 -جىلى 6 پايىزىن جوعالتتى. بۇل جازدىڭ ىستىق بولۋى مەن قىستا قاردىڭ بولماۋىنا بايلانىستى. عالىمدار ودان ءارى مۇزدىقتار تەز ەريتىنىن ەسكەرتتى.
ەرىگەن مۇزدىقتار ورنىنان 1986 -جىلى جوعالىپ كەتكەن الپينيستىڭ جانە 1968 -جىلى اپاتقا ۇشىراعان ۇشاق قالدىقتارى تابىلعان.
