شىمكەنتتىك ايەل كورشىسىنىڭ التى بالاسىن ورتتەن امان الىپ قالدى

شىمكەنت تۇرعىنى ورتەنىپ جاتقان ۇيگە كىرىپ، كورشىسىنىڭ التى بالاسىن امان الىپ قالدى. بۇل تۋرالى Kazinform اگەنتتىگى  Otyrar-عا سىلتەمە جاساپ حابارلايدى.

ءورت 16-جەلتوقسانعا قاراعان ءتۇنى بولعان. اناسى بالالارىن ۇيىقتاتىپ، ءوزى كەتىپ قالعان. قاراۋسىز قالعان بالالار ۇيىقتاماي، وتپەن ويناعان.

- قۇتقارىپ قالعان ايەل ۇيدەن كامەلەتكە تولماعان التى بالانى شىعارىپ، ەرلىك كورسەتتى. ءورتتىڭ شىعۋىنا بالالاردىڭ وتقا ابايسىز قاراۋى سەبەپ بولدى، - دەدى شىمكەنت قالالىق توتەنشە جاعدايلار دەپارتامەنتى باستىعىنىڭ ورىنباسارى ەركىن وتارعالىم ۇلى.

ونىڭ ءوزىنىڭ ءتورت بالاسى بار، ءورتتى كورگەندە ۇيدەن جالاڭاياق جۇگىرىپ شىعىپ، ءۇش مەترلىك قورشاۋدان اسىپ كەتكەنىن ايتادى. ال ۇيدەگى گاز باللونىن بايقاعان ول كۇيەۋىن كومەككە شاقىرعان.

- بالالاردىڭ جىلاعانىن ەستىپ، جۇگىرىپ شىقتىم، ۇيلەرىمىز ءبىر-بىرىنە وتە جاقىن ورنالاسقان. ۇيدە كەز كەلگەن مينۋتتا جارىلىپ كەتۋى مۇمكىن گاز باللونى بولدى، - دەيدى شىمكەنت تۇرعىنى.

قالالىق ت ج د ايەلدى ەرلىگى مەن قاھارماندىعى ءۇشىن جوعارى ماراپاتقا ۇسىنۋ ءۇشىن مينيسترلىككە قۇجاتتارى جىبەرىلگەنىن حابارلادى.