شىمكەنتتە كورتەج جاساعان موپەدشىلەر جاۋاپقا تارتىلدى
شىمكەنت. KAZINFORM - موپەدشىلەر كولىك قوزعالىسىنا كەدەرگى جاساعان.
جيىرماعا جۋىق موپەد تىزگىندەگەن جاس جىگىت تۇنگى ۋاقىتتا قالا كوشەلەرىندە زاڭ بۇزۋشىلىقتارعا جول بەرگەن.
بەينەباقىلاۋ كامەرالارى ارقىلى بايقاعان جەدەل باسقارۋ ورتالىعىنىڭ ينسپەكتورلارى ولاردى ۇستاۋعا پاترۋلدىك پوليتسەيلەردى باعىتتادى.
جول قوزعالىسى قاعيدالارىن بۇزۋشىلار اكىمشىلىك جاۋاپكەرشىلىككە تارتىلدى، ال پايدالانۋ تالاپتارىنا ساي كەلمەيتىن كولىك قۇرالدارى ايىپتۇراققا قويىلدى.
- پوليتسيا جول ءجۇرۋ ەرەجەلەرىن قاتاڭ ساقتاۋ جول-كولىك وقيعالارىنىڭ الدىن الاتىنىن ەسكە سالادى، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
ايتا كەتەيىك، بۇدان بۇرىن الەۋمەتتىك جەلىدە تىكەلەي ەفيرگە شىققان شىمكەنتتىك كولىك جۇرگىزۋشىسى جاۋاپقا تارتىلعان بولاتىن.
