شىمكەنتتە «پايىزسىز باسپانا» قارجىلىق پيراميداسىن ۇيىمداستىرعاندار 6 جىلعا سوتتالدى
شىمكەنت. KAZINFORM - شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن قارجىلىق پيراميدا قۇرۋ جانە وعان باسشىلىق ەتۋمەن «پايىزسىز باسپانا» تۇرعىن ءۇي ۇيىمىنىڭ باسشىسى مەن قىزمەتكەرلەرى 3 جىلدان 6 جىلعا دەيىنگى مەرزىمگە باس بوستاندىعىنان ايىرۋ جازاسىنا سوتتالدى.
بۇل تۋرالى شىمكەنت قالاسى پروكۋراتۋراسىنىڭ باسپا ءسوز قىزمەتى ءمالىم ەتتى.
پروكۋراتۋرانىڭ دەرەگىنشە، سوتتالۋشىلار شىمكەنت، الماتى، استانا قالالارىندا 2019-2021-جىلدارى ارالىعىندا «ينستاگرام» الەۋمەتتىك جەلىسى ارقىلى اقشا سالىمشىلاردى تارتىپ، تومەن باعامەن باسپانا ۇسىنۋعا ۋادە بەرگەن.
«قىلمىستىق سحەماعا سايكەس بۇدان ءارى سالىمشىلاردىڭ قاراجاتىنا وزدەرىنىڭ قاجەتتىلىگى ءۇشىن جىلجىمالى جانە جىلجىمايتىن مۇلىكتەر العاندارى انىقتالدى، 134 جابىرلەنۋشىگە 171 ميلليون تەڭگەدەن استام كولەمدە زالال كەلتىرىلگەن»، - دەلىنگەن حابارلامادا.
سوت ۇكىمى زاڭدى كۇشىنە ەنگەن جوق.
شىمكەنت قالاسىنىڭ پروكۋراتۋراسى شاھار تۇرعاندارى مەن قوناقتارىنىڭ نازارىنا قانداي دا ءبىر تۇرعىن ءۇي ۇيىمىنا جارنا جانە قارجىلىق پيراميداعا اقشا سالۋ ۇسىنىلعان جاعدايدا ساق بولۋىن سۇرايدى.
