شىلدەنىڭ العاشقى كۇندەرى ىستىق باسىلىپ، نوسەر جاۋىن جاۋادى

استانا. KAZINFORM - قازگيدرومەت سينوپتيكتەرى 2-4-شىلدە ارالىعىنا ارنالعان ءۇش كۇندىك اۋا رايى بولجامىن ۇسىنادى.

الداعى كۇندەرى قازاقستان اۋماعىنىڭ باسىم بولىگىنە كەڭ اۋقىمدى سيكلون اسەر ەتەدى.

سونىڭ سالدارىنان جاڭبىر مەن بۇرشاق جاۋادى، نايزاعاي جارقىلداپ، قاتتى جەل تۇرادى.

ەلىمىزدىڭ سولتۇستىگىندە، وڭتۇستىك-شىعىسىندا، شىعىسىندا جانە ورتالىعىندا قاتتى جاڭبىر جاۋادى.

تەك رەسپۋبليكانىڭ باتىسى مەن وڭتۇستىگىندە نەگىزىنەن كۇن اشىق، جاۋىن-شاشىن جاۋمايدى.

قازاقستاننىڭ باسىم بولىگىندە اۋا تەمپەراتۋراسى كۇندىز سولتۇستىك- باتىستا 28+35+ گرادۋسقا دەيىن، سولتۇستىكتە 20+28+ گرادۋسقا  دەيىن، ورتالىقتا 22+33+ گرادۋسقا دەيىن، وڭتۇستىك- شىعىستا 27+36+ گرادۋسقا دەيىن، وڭتۇستىكتە 33+38+ گرادۋسقا دەيىن بىرتىندەپ جوعارىلايدى.

ەلىمىزدىڭ باتىسىندا 35+42+ گرادۋسقا دەيىن قاتتى ىستىق بولادى.