شىلدەدە قىتاي كومپارتياسى ورتالىق كوميتەتى 20-شاقىرىلىمىنىڭ 3-پلەنۋمى وتەدى
استانا. KAZINFORM - بەيجىڭدە 15-18-شىلدە ارالىعىندا قىتاي كومپارتياسى ورتالىق كوميتەتى 20-شاقىرىلىمىنىڭ 3-پلەنۋمى وتەدى. بۇل شەشىم ق ك پ و ك ساياسي بيۋروسىنىڭ بەيسەنبى كۇنى وتكەن وتىرىسىندا قابىلداندى، دەپ جازادى شينحۋا اگەنتتىگى.
ق ك پ ورتالىق كوميتەتىنىڭ باس حاتشىسى شي جينپيڭنىڭ توراعالىعىمەن وتكەن ماجىلىستە ق ك پ ورتالىق كوميتەتىنىڭ رەفورمالاردى ودان ءارى جان-جاقتى تەرەڭدەتۋ جانە قىتايدىڭ جاڭارۋىن ىلگەرىلەتۋ تۋرالى شەشىمىنىڭ جوباسىن الداعى پلەنۋمنىڭ قاراۋىنا ۇسىنۋ تۋرالى شەشىم قابىلداندى.
سونداي-اق، جوبادا قىتايلىق جاڭعىرتۋدى ىلگەرىلەتۋ كەزىندە تۋىنداعان جاڭا پروبلەمالارعا تەرەڭ تالداۋ جۇرگىزىلگەنى، عىلىمي رەفورمالاردى ودان ءارى تەرەڭدەتۋدىڭ باس جوسپارى تۇجىرىمدالعانى اتالىپ ءوتتى.
قىتايدىڭ 2035-جىلعا دەيىن جوعارى دەڭگەيلى سوتسياليستىك نارىقتىق ەكونوميكا جۇيەسىن تولىعىمەن قۇرىپ، مەملەكەتتىك باسقارۋ جۇيەسى مەن الەۋەتىن جاڭعىرتۋ مەن سوتسياليستىك جاڭعىرتۋدى جۇزەگە اسىرۋى تۋرالى جالپى ماقسات ءتۇسىندىرىلدى.
