شىعىس قازاقستانداعى وزەندە سۋ دەڭگەيى كوتەرىلىپ، ۇيلەردى سۋ باستى

ريددەر قالاسىنداعى حاريۋزوۆكا وزەنىنىڭ ارناسىندا مۇز قاتۋىنان سۋ دەڭگەيى كوتەرىلىپ، ۇيلەردى سۋ باستى، دەپ حابارلايدى Kazinform.

8-جەلتوقسان كۇنى تۇندە حاريۋزوۆكا وزەنىنىڭ ارناسىندا قارلى مۇزدىڭ قاتۋىنان سۋ دەڭگەيى كوتەرىلىپ، سونىڭ سالدارىنان كيروۆ كوشەسى، وسكەمەن بۇرىلىسى مەن حاريۋزوۆسكي بۇرىلىسىنداعى جەكە سەكتوردىڭ 4 اۋلاسى مەن كيروۆ كوشەسىندەگى 2 جەر ءۇيدى سۋ باستى.

«ريددەر قالاسى ت ج ب قىزمەتكەرلەرى جانە جەرگىلىكتى اتقارۋشى ورگاندار حالىقتى حاباردار ەتىپ، ىقتيمال ەۆاكۋاتسيا جاعدايىندا جەكە قۇرام مەن قۇرالداردى دايىندىققا كەلتىردى. حالىقتى ۋاقىتشا ورنالاستىرۋ ءۇشىن قالا اكىمدىگى «ريددەر كوللەدجى» ك م م عيماراتىندا ورنالاستىرۋ پۋنكتىن الدىن الا دايىندادى. حالىق ەۆاكۋاتسيادان باس تارتتى»، - دەپ حابارلادى ش ق و اكىمدىگىنەن.

قالا اكىمدىگى مەن وبلىستىق ت ج د قۇتقارۋشىلارى اۋلا اۋماقتارى مەن ۇيلەردەن سۋدى سورىپ شىعارۋ ءۇشىن موتوپومپالاردى ىسكە قوستى، مۇزدان تازارتۋ جانە وزەن ارناسىنا قاراي ەڭىس جاساۋ ءۇشىن ارنايى تەحنيكا تارتىلدى.

«كەلتىرىلگەن زالالدى باعالاۋ ءۇشىن مۇددەلى مەملەكەتتىك ورگاندار مەن ۇيىمدار اراسىنان كوميسسيا قۇرىلدى. ت ج سالدارىن جويۋعا بارلىعى 20 ادام، 7 تەحنيكا جانە 2 موتوپومپا جۇمىلدىرىلدى. «ل ك گ ە س» ج ش س قىزمەتكەرلەرى سۋ اعىزۋدى ازايتتى. مونيتورينگ جۇرگىزىلۋدە. تاڭعى ساعات 7.30-داعى جاعداي بويىنشا اۋلا اۋماقتارىنان سۋ كەتتى، تەك جەرتولەلەردە قالدى. وقيعا ورنىنا ش ق و اكىمى ەرمەك كوشەربايەۆ جانە وبلىستىق ت ج د باسشىلىعى باردى»، - دەلىنگەن اقپاراتتا.