شىعىس قازاقستاندا زورلانعانىن ايتىپ، شاعىمدانعان ايەلدىڭ ءوزى سوتتالىپ كەتتى

استانا. KAZINFORM – شىعىس قازاقستان وبلىسىنىڭ پروكۋراتۋراسى قىلمىستىق ىستەر بويىنشا جەكە ادامعا قاتىستى قابىلدانعان پروتسەسسۋالدىق شەشىمدەردىڭ زاڭدىلىعىن تەكسەرۋ كەزىندە زورلاۋ تۋرالى كورىنەۋ جالعان حابارلاۋ فاكتىسىن انىقتادى.

ارنايى پروكۋرورلار جۇرگىزگەن تەرگەۋ بارىسىندا وسى جىلى اقپان ايىندا ش. ەسىمدى ايەل ءوزىنىڭ تانىسى ك. -مەن پاتەردە ماس كۇيدە ءوز ەركىمەن جىنىستىق قاتىناسقا تۇسكەنى انىقتالدى، ال كەلەسى كۇنى ول قۇقىق قورعاۋ ورگاندارىنا ونى زورلادى دەپ ايىپتاپ، جالعان مالىمدەمە جاساعان.

سونىڭ سالدارىنان جازىقسىز ادام قىلمىستىق قۋدالاۋعا ۇشىراعان.

سوتقا دەيىنگى تەرگەپ-تەكسەرۋ كەزىندە «جابىرلەنۋشى» ق ر ق ك 419-بابىنىڭ 3-بولىگىندە («اۋىر قىلمىس جاساعانى تۋرالى كورىنەۋ جالعان حابارلاۋ») كوزدەلگەن قىلمىستى جاساعانىن، ءوز كىناسىن تولىق مويىندادى جانە كىنانى مويىنداۋ تۋرالى مامىلە نىسانىندا پروتسەستىك كەلىسىم جاساسۋ تۋرالى ءوتىنىش ءبىلدىردى.

«وسكەمەننىڭ 2-سوتىنىڭ ۇكىمىمەن ش. قىلمىستىق كودەكستىڭ وسى بابى بويىنشا كىنالى دەپ تانىلىپ، شارتتى تۇردە 4 جىلعا باس بوستاندىعىنان ايىرىلدى»، - دەپ حابارلادى شىعىس قازاقستان وبلىستىق پروكۋراتۋراسى.

سوت ۇكىمى زاڭدى كۇشىنە ەنگەن جوق.