شىعىس قازاقستاندا ەكى وتباسى جوعالىپ كەتتى

استانا. قازاقپارات - 30- تامىزدا وسكەمەندىك ەرلى-زايىپتىلار 10 جاسار قىزىمەن جانە دوستارىمەن قاراعوجى اۋىلىنا قاراي دەمالۋعا بارىپ، 1-قىركۇيەكتە ورالۋدى جوسپارلاعان، دەپ حابارلايدى turkystan.kz.

الايدا سول كۇننەن باستاپ ولاردان ەش حابار بولماعان. گلۋبوكوە پوليتسيا ءبولىمىنىڭ جەكە قۇرامى ءتورت ەرەسەك ادام مەن ەكى بالانى ىزدەۋگە جۇمىلدىرىلدى.

درون ارقىلى ەكى وتباسىنىڭ ورنالاسقان جەرى بەلگىلى بولدى. ولار تابيعي اپاتتىڭ سالدارىنان ءبىر ورىندا قالىپ قويعان.

«ءبىز دەمالۋعا كەلگەن ەدىك. الايدا ءبىر ساتتە وزەن دەڭگەيى كوتەرىلدى. ءۇش كۇن بويى بۇل وزەننەن وتە المادىق. ابىروي بولعاندا، قازىر بىزدە ءبارى جاقسى»، - دەيدى وتباسى مۇشەسى.

ولاردىڭ ءومىرى مەن دەنساۋلىعىنا قاۋىپ ءتونىپ تۇرعان جوق.