شىعىس قازاقستان حالقى كوبىنەسە قاي سالالارعا قاتىستى شاعىم تۇسىرەدى

وسكەمەن. KAZINFORM - شىعىس قازاقستان وبلىسىندا تۇتىنۋشىلاردىڭ كوبىنە قاي قىزمەت سالالارىنا ءجيى شاعىمداناتىنى بەلگىلى بولدى.

ش ق و ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ مالىمەتىنە سۇيەنسەك، وتكەن جىلى تۇرعىندار تاراپىنان بارلىعى 920 ارىز-شاعىم تۇسكەن. ال جىل باسىنان بەرى 239 شاعىم تۇسكەن.

- بىلتىر تۇرعىندار تاراپىنان ەڭ كوپ شاعىم بولشەك ساۋدا سالاسىنا قاتىستى ءتۇستى - 389. ەلەكتروندىق كوممەرتسيا سالاسىندا 231، تۇرمىستىق قىزمەت كورسەتۋ سالاسىندا 180 شاعىم تىركەلدى. تۇرعىن ءۇي- كوممۋنالدىق شارۋاشىلىق، قوعامدىق تاماقتاندىرۋ، ءبىلىم بەرۋ، مەديتسينالىق جانە بايلانىس قىزمەتتەرىنە قاتىستى دا جازباشا شاعىمدار جاسالدى، - دەيدى دەپارتامەنت باسشىسى اسحات ساعيدولدين.

وسى ارىز-شاعىمداردىڭ قورىتىندىسى بويىنشا 197 اكىمشىلىك ءىس قوزعالدى. ەسكەرتۋلەر جاسالىپ، ايىپپۇل سالىنىپ، كىنالىلەر تارتىپتىك جاۋاپكەرشىلىككە تارتىلدى.

ەسكە سالساق، وسىعان دەيىن س ق و-دا بيىل ساپاسىز مەديتسينالىق قىزمەتكە قاتىستى 100 گە جۋىق شاعىم تۇسكەنى حابارلانعان.