شەتەلدىكتەر مەن ازاماتتىعى جوق تۇلعالاردىڭ ج س ن راسىمدەۋ تارتىبىنە وزگەرىس ەنگىزىلمەك
ىشكى ىستەر مينيسترلىگى شەتەلدىكتەر مەن ازاماتتىعى جوق تۇلعالاردىڭ جسن راسىمدەۋ تارتىبىنە وزگەرىس ەنگىزۋدى كوزدەيتىن بۇيرىق جوباسىن «اشىق ن ق ا» پورتالىندا قوعام تالقىلاۋىنا شىعاردى، دەپ حابارلايدى Kazinform اگەنتتىگى.
«شەتەلدىكتەر نەمەسە ازاماتتىعى جوق تۇلعالار ج س ن قالىپتاستىرۋ ءۇشىن قىزمەت بەرۋشىگە كەلگەن جەرى بويىنشا مەملەكەتتىك كورپوراتسيا (حالىققا قىزمەت كورسەتۋ ورتالىقتارى - رەد. ) ارقىلى ءتيىستى قۇجاتتاردى قوسا بەرە وتىرىپ، ءوتىنىش بەرۋ جولىمەن جەكە ءوزى جۇگىنەدى»، - دەلىنگەن بۇيرىق جوباسىندا.
ال قازاقستان سوتىنىڭ ۇكىمى بويىنشا باس بوستاندىعىنان ايىرىلعان شەتەلدىكتەردىڭ، ازاماتتىعى جوق ادامداردىڭ جانە رەتتەلمەگەن مارتەبەسى بار ادامداردىڭ جەكە باسىن كۋالاندىراتىن قۇجاتتارى بولماعان كەزدە مەملەكەتتىك قىزمەتتى الۋ ءۇشىن بەكىتىلگەن ۇلگى بويىنشا ءوتىنىش بەرەدى.
ال بۇعان دەيىن ج س ن الىپ ۇلگەرگەن شەتەلدىكتەر، ازاماتتىعى جوق تۇلعالار قۇجاتىن تۇزەتۋ ءۇشىن جەكە تۇلعانىڭ ءوزى (نەمەسە ونىڭ زاڭدى وكىلى) كەلگەن جەرى بويىنشا مەملەكەتتىك كورپوراتسيا ارقىلى ۇلگى بويىنشا ءوتىنىش ءتۇسىرۋ كەرەك.
مەملەكەتتىك كورپوراتسيا قىزمەتكەرى قىزمەت الۋشى جۇگىنگەن كەزدە:
1) قىزمەتتى الۋشىنىڭ جەكە باسىن سايكەستەندىرەدى؛
2) قۇجاتتاردى جانە وندا كورسەتىلگەن مالىمەتتەردىڭ دۇرىستىعىن، وتكىزگەن قۇجاتتاردىڭ تىزىمگە سايكەستىگىن تەكسەرەدى؛
3) ح ق ك و- نىڭ ءبىرىڭعاي اقپارات جۇيەسىندە ءوتىنىمدى رەسىمدەيدى.
«ج س ن قالىپتاستىرۋ بويىنشا مەملەكەتتىك قىزمەتتى ۇسىنعان جاعدايدا، «بۇركىت» ءبىرىڭعاي اقپارات جۇيەسىمەن ينتەگراتسيالاۋ ارقىلى ح ق ك و ءبىرىڭعاي اقپارات جۇيەسىنە شەتەلدىكتىڭ جانە ازاماتتىعى جوق ادامنىڭ ءتولقۇجات ءنومىرى اۆتوماتتى تۇردە ەنگىزىلەدى. شەتەلدىك تۋرالى انىقتالعان دەرەكتەر تولتىرىلىپ، ونىڭ قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ تۋرالى فاكتى تەكسەرىلەدى»، - دەپ جازىلعان قۇجاتتا.
ج س ن الۋعا ءوتىنىش بەرۋشى شەتەلدىك نەمەسە ازاماتتىعى جوق تۇلعا ءتيىستى قۇجاتتار توپتاماسىن تولىق ۇسىنباسا نەمەسە قولدانىلۋ مەرزىمى وتكەن قۇجاتتاردى ۇسىنعان جاعدايدا مەملەكەتىتك كورپوراتسيا ءوتىنىشتى قابىلداۋدان باس تارتىپ، قولحات بەرەدى.
