شەتەلدە تۋعان بالالارعا ۇلتتىق قور قاراجاتى قالاي بەرىلەدى - مينيسترلىك جاۋابى

استانا. KAZINFORM – ق ر قارجى مينيسترلىگى «ۇلتتىق قور - بالالارعا» باعدارلاماسى اياسىندا قازاقستان اۋماعىنان تىس جەردە تۋعان بالالار قالاي قاراجات الاتىنىن ءتۇسىندىردى.

«ەگەر بالا قازاقستاننان تىس جەردە دۇنيەگە كەلسە جانە ق ر ازاماتتىعى بولسا، وندا وعان قاراجات تۋعان ساتتەن باستاپ ەسەپتەلەدى. ال ەگەر بالا باسقا مەملەكەت اۋماعىندا دۇنيەگە كەلىپ، ازاماتتىعىن تەك قازاقستانعا ورالعاننان كەيىن السا، وندا قاراجات ازاماتتىعىن العان ساتتەن باستاپ ەسەپتەلەدى. بۇل جەردە باستى شارت – ق ر ازاماتتىعى ەكەنىن اتاپ ءوتۋ ماڭىزدى»، - دەدى ق ر قارجى مينيسترلىگى بيۋجەتتىك كرەديتتەۋ، ق ر ۇلتتىق قورى جانە قارجى سەكتورى ماسەلەلەرى بويىنشا ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازينوۆ ورتالىق كوممۋنيكاتسيالار قىزمەتىندە.

ايتا كەتەيىك، جىل باسىنان بەرى باعدارلاما اياسىندا 6,9 ميلليون بالانىڭ ەسەپشوتىنا 100,52 ا ق ش دوللارى مولشەرىندە قاراجات اۋدارىلدى.

بۇعان دەيىن «ءبىرىڭعاي جيناقتاۋشى زەينەتاقى قورى» اق باسقارۋشى ديرەكتورى مۇرات ءشارىپوۆ 18 جاسقا تولعان 63 بالاعا جوبا قاراجاتى تولەنگەنىن ايتقان ەدى.

سونداي-اق، «ۇلتتىق قور - بالالارعا» جوباسىندا ەڭ كوپ قاراجات قاي وبلىسقا اۋدارىلعانى انىقتالدى.