شەرزات بولاتتىڭ ءولىمى: 2 قىز كۇدىكتى ەمەس
استانا. KAZINFORM - شەرزات بولاتتىڭ ءولىمى ورىن العان جەردە بولعان 2 قىز كۇدىكتى رەتىندە ۇستالعان جوق. بۇل تۋرالى قونايەۆ قالاسىندا ءوتىپ جاتقان بريفينگتە ىشكى ىستەر مينيسترلىگىنىڭ تەرگەۋ دەپارتامەنتى باستىعىنىڭ ورىنباسارى سامات ايسوۆ ايتتى.
بريفينگ بارىسىندا ب ا ق وكىلدەرى «شەرزاتتىڭ اكەسى كوشەنى جاپقان كەزدە 2 قىز تەرگەۋدە كۋاگەر ەكەنىن ايتقان ەدى. قازىرگى ۋاقىتتا دا وسى ەكى قىز كۋاگەر نەمەسە كۇدىكتى رەتىندە قاراستىرىلىپ وتىر ما؟ جالپى، وسى وقيعادان كەيىن جاۋاپتى تۇلعالارعا شارا قولدانىلدى ما؟»، - دەپ سۇراعان ەدى.
سامات ايسوۆتىڭ ايتۋىنشا، اتالعان ەكى قىزدى ۇستاۋعا ەشقانداي سەبەپ جوق.
«قىزدار بويىنشا قازىرگى تاڭدا ولار كۇدىكتى رەتىندە تانىلمادى. وعان ەشقانداي سەبەپ جوق. ال قىزمەتكەرلەرگە قاتىستى قىزمەتتىك تەكسەرىس وتكىزىلەدى. ءار قىزمەتكەردىڭ ىسىنە باعا بەرىلگەننەن كەيىن تولىق اقپارات ۇسىنامىز»، - دەدى ول.
ەسكە سالايىق، 4-قازاندا تالعار قالاسىنداعى توبەلەستەن ءبىر ادام قايتىس بولعانىن جازعانبىز.
