شەشىم قايتا قارالمايدى: ءبىرىنشى اتوم ەلەكتر ستانساسىن روساتوم سالادى
استانا. KAZINFORM - ەلىمىزدەگى ءبىرىنشى اتوم ەلەكتر ستانساسىنا سالاتىن مەردىگەرگە قاتىستى شەشىم وزگەرمەيدى. بۇل تۋرالى اتوم ەنەرگەتيكاسى جونىندەگى اگەنتتىكتەن ءمالىم ەتتى.
- كونسورتسيۋم كوشباسشى رەتىندە «روساتوم» كومپانياسىنىڭ تاڭدالۋى ءتۇرلى دەڭگەيدە جۇزەگە اسىرىلدى: اتوم سالاسىنىڭ ساراپشىلارى، قازاقستان رەسپۋبليكاسى اتوم ەنەرگەتيكاسى جونىندەگى اگەنتتىگى، اتوم سالاسىنگ دامىتۋ ماسەلەلەرى جونىندەگى ۆەدموستۆوارالىق كوميسسيا، باعالاۋ ادىستەمەسىن تاۋەلسىز حالىقارالىق كونسۋلتانت - Assystem كومپانياسى راستادى. وسلايشا، قابىلدانعان شەشىمدى قايتا قاراۋ كوزدەلمەيدى جانە ءبىرىنشى ا ە س ءۇشىن اعىمداعى پروتسەسس اياسىندا تۇپكىلىكتى سانالادى، - دەدى اگەنتتىكتەن ب ا ق وكىلدەرىنىڭ ساۋالىنا وراي.
بۇعان دەيىن «روساتوم» كومپانياسى قازاقستانداعى العاشقى اتوم ەلەكتر ستانتسياسىن سالۋ جوباسى بويىنشا حالىقارالىق كونسورتسيۋمنىڭ كوشباسشىسى رەتىندە انىقتالعانىن جازعان ەدىك.
سونىمەن قاتار اتوم ەنەرگەتيكاسى جونىندەگى اگەنتتىك ءتوراعاسى الماسادام ساتقاييەۆ قازاقستانداعى تاعى ءبىر ا ە س- ءتى قىتايلىق ۆەندەر سالاتىنىن ءمالىم ەتتى.
