شاريعاتتا ەر ادامعا اق التىننان جاسالعان ساقينا تاعۋعا رۇقسات ەتىلگەن بە؟
استانا. قازاقپارات - شاريعاتتا ەر ادامدارعا التىن جۇزىك تاعۋعا تىيىم سالىنعان. ال اق التىننان جاسالعان ساقينا تاعۋعا بولا ما؟
بۇل سۇراققا قازاقستان مۇسىلماندارى ءدىني باسقارماسىنىڭ «شاريعات جانە ءپاتۋا» ءبولىمىنىڭ مامانى ەلبەك تاسبولات ۇلى «جاۋابى بار» باعدارلاماسىندا جاۋاپ بەردى، - دەپ حابارلايدى Massaget.kz ءتىلشىسى.
ەلبەك تاسبولات ۇلى بۇيىمنىڭ رەڭىنە ەمەس، قۇرامىنا ءمان بەرۋ كەرەك ەكەنىن ەسكەرتتى.
«التىننىڭ ىشىنە قوساتىن قوسپالارىنا بايلانىستى رەڭى وزگەرەدى ەكەن. مىس نەمەسە باسقا دا مەتالدار قوسۋى مۇمكىن. سودان رەڭى وزگەرىپ شىعادى. اق التىننىڭ قۇرامىنىڭ %50 دان استامى التىن بولسا جانە ءارتۇرلى قوسپالاردى قوسقاندىقتان رەڭى اعارعان بولسا دا، بۇل التىن بولىپ ەسەپتەلىنەدى. ونى ەر ادامعا تاعۋعا بولمايدى. سوندىقتان مەتالدىڭ رەڭىنە ەمەس، قۇرامىنىڭ باسىم بولىگىنە ءمان بەرۋ كەرەك. باسىم بولىگى التىن بولسا، ونى ەر ادامعا تاعۋعا بولمايدى»، - دەدى مامان.
