ۇشاقتار كەشىگۋدە: استانا اۋەجايىندا اۋا رايىنا بايلانىستى ەسكەرتۋ جاريالاندى

  استانا حالىقارالىق اۋەجايىنىڭ اۋە ايلاعىندا قىزمەتكەرلەر قولايسىز اۋا رايىندا قىزمەت ەتىپ جاتىر. مۇندا كۇشتى جەل تۇراتىنى ەسكەرتىلدى، دەپ حابارلايدى Kazinform.

ساعات 14:00-20:00 ارالىعىندا جەلدىڭ جىلدامدىعى 22 م/س- تان 27 م/س- قا دەيىن جەتۋى مۇمكىن. مۇنداي اۋا رايىندا اۋە رەيستەرى توقتاتىلۋى نەمەسە كەشىكتىرىلۋى مۇمكىن.

«ءدال قازىر اۋەجايدىڭ اۋە ايلاعىندا قار قالىڭ، جەلدىڭ جىلدامدىعى سەكۋندىنا 10 مەترگە جەتەدى، الايدا جەلدىڭ ەكپىنى 15 م/س- كە دەيىن جەتىپ تۇر. بۇگىن ەلوردا اۋەجايىندا 75 رەيستىڭ ۇشۋى جوسپارلانعان. 7 رەيس اۋە كومپانيالارىنىڭ تەحنيكالىق سەبەپتەرىنە بايلانىستى كەشىكتىرىلۋدە. ال اۋا رايىنىڭ قولايسىزدىعىنا بايلانىستى رەيستەردىڭ كەشىگۋى نەمەسە كەيىنگە قالدىرۋى تىركەلگەن جوق»، - دەپ حابارلادى اۋەجايدىڭ باسپا ءسوز قىزمەتى.

اۋە ايلاقتى قالىڭ قاردان تازالاۋ جۇمىستارى ۇزدىكسىز ءجۇرىپ جاتىر. قازىر بۇل جۇمىستارعا 10 ارنايى تەحنيكا جۇمىلدىرىلعان.

رەيستەر تۋرالى اقپاراتتى استانا حالىقارالىق اۋەجايىنىڭ nn-airport.kz رەسمي سايتىنان قاراۋعا بولادى.

سونداي-اق ەلوردا اۋەجايىندا تاۋلىك بويى 87172702999 بايلانىس ورتالىعى جۇمىس ىستەيدى.