ۇشاققا كەشىگىپ، پوليسەيگە ءتىل تيگىزگەن جولاۋشى 1 جىلعا سوتتالدى
استانا. KAZINFORM - الماتىلىق ازامات ەلوردا اۋەجايىندا پوليسەيلەرگە قورقىتۋ مەن بالاعات سوزدەر ايتقانى ءۇشىن سوتتالدى.
ەلوردا اۋەجايىندا الماتى تۇرعىنى ۇشاققا كەشىگىپ كەلىپ، اگرەسسيۆتى مىنەز كورسەتىپ، اۋەجاي اۋماعىندا قوعامدىق ءتارتىپتى قامتاماسىز ەتىپ جۇرگەن پوليتسيا قىزمەتكەرلەرىنىڭ زاڭدى تالاپتارىنا باعىنۋدان باس تارتقان.
- تەرگەۋ بارىسىندا ەر ادامنىڭ پوليسەيلەردىڭ تالاپتارىن ەلەمەي، ولارعا بالاعات سوزدەر ايتىپ، دەنساۋلىققا زيان كەلتىرۋمەن اشىق قورقىتقانى انىقتالدى. ونىڭ ارەكەتى بيلىك وكىلدەرىنە قارسى قىلمىس رەتىندە باعالاندى.
سوت تالقىلاۋى بارىسىندا مەملەكەتتىك ايىپتاۋشى كىنانى دالەلدەيتىن بۇلتارتپاس ايعاقتار ۇسىندى. ءىستى قاراۋ ناتيجەسىندە سوت ەر ادامدى كىنالى دەپ تانىپ، 1 جىل 1 اي مەرزىمگە بوستاندىعىن شەكتەۋ تۇرىندەگى جازا تاعايىندادى، - دەلىنگەن باس كولىك پروكۋراتۋراسى حابارلاماسىندا.
سوت ۇكىمى زاڭدى كۇشىنە ەندى.
