شاۆكات راحمونوۆتىڭ كەلەسى جەكپە-جەگى قاشان ءوتۋى مۇمكىن
استانا. قازاقپارات - UFC-دە بىردە-ءبىر رەت جەڭىلمەگەن قازاقستاندىق سپورتشى شاۆكات راحمونوۆ (19-0) ەكۆادورلىق مايكل مورالەسكە (19-0) قارسى جەكپە-جەگىن 2027-جىلدىڭ قاڭتارىندا وتكىزۋى مۇمكىن، دەپ حابارلايدى Sports.kz.
- شاۆكات راحمونوۆ الەۋمەتتىك جەلىدەگى پاراقشاسىندا ەكى ۆيدەو جاريالادى. بىرىنشىسىندە «19-0 VS 19-0»، ال ەكىنشىسىندە ورمەكشى ادامنىڭ ەمودزيىمەن بىرگە «2027» دەگەن جازۋ بولعان. وسىعان بايلانىستى راحمونوۆ پەن مايكل مورالەس اراسىنداعى جەكپە-جەكتىڭ 2027-جىلدىڭ قاڭتار نەمەسە اقپان ايىندا ءوتۋى مۇمكىن دەگەن ىقتيمالدىق ارتا ءتۇستى. جاقىندا مورالەس تيتۋل ءۇشىن جەكپە-جەگىنىڭ الدىندا راحمونوۆتى «ديۆيزيوننىڭ سوڭعى باستىعى» دەپ اتاعان،- دەپ جازدى X الەۋمەتتىك جەلىسىندەگى Agent MMA اككاۋنتى.
راحمونوۆ سوڭعى رەت وكتاگونعا 2024 -جىلعى 7-جەلتوقساندا ا ق ش-تىڭ نيەۆادا شتاتىنداعى لاس- ۆەگاستا وتكەن UFC 310 تۋرنيرىندە شىعىپ، يرلانديالىق يەن ماچادو گەرريدى جەڭگەن بولاتىن.
UFC- ءدىڭ جارتىلاي ورتا سالماقتاعى رەيتينگىندە ءۇشىنشى ورىندا تۇرعان مورالەس سوڭعى جەكپە-جەگىن 2025 -جىلعى 15-قاراشادا نيۋ-يوركتە وتكەن UFC 322 تۋرنيرىندە وتكىزدى. ول امەريكالىق شون ءبرەديدى ءبىرىنشى راۋندتا نوكاۋتقا ءتۇسىردى.
