شاحماتشى ءبيبىسارا اساۋبايەۆا قىتايلىق الەم چەمپيونىن جەڭدى

قازاقستاندىق شاحماتشى ءبيبىسارا اساۋبايەۆا Grand Swiss 2023 تۋرنيرىندە قىتايلىق تان چجۋنيدى جەڭدى.

Kazinform بۇل تۋرالى Sports.kz پورتالىنا سىلتەمە جاساپ حابارلايدى.

اساۋبايەۆا وسى جەڭىسىنىڭ ارقاسىندا 4,5/5 ۇپاي جيناپ، جارىستا كوش باستادى. ايتا كەتەيىك، چجۋني - ايەلدەر اراسىنداعى ون التىنشى الەم چەمپيونى.

«مەن تۋرنير كەستەسىنە ءمان بەرمەۋگە تىرىسامىن: ويناي بىلگەنىمشە وينايمىن. ءبىراق بۇگىنگى ويىن ەرەكشە بولدى. ونىڭ بىرنەشە جۇرىسىنەن كەيىن جاعدايىم ناشارلادى دەپ ويلادىم، ءبىراق قالاي ەكەنىن تۇسىنبەدىم. سوندىقتان مەن «وكەي، ەگەر سەن وسىلاي جۇرسەڭ، ماعان ءارى قاراي نە بولاتىنىن كورسەت» دەپ ويىنىمدى جالعاستىرا بەردىم. كەيىن جاعدايىم قالىپتى ەكەنىن ۇقتىم - اقىلعا قونىمسىز، ءبىراق قالىپتى. ساعاتتا از عانا ۋاقىت قالعاندا تەك ەڭ جاقسى ءجۇرىستى ىزدەۋگە تىرىستىم»، - دەدى اساۋبايەۆا ويىننان كەيىن.