17:39, 22 - شىلدە 2024 | GMT +6
شاشى ۇزىن 17 جاستاعى جىگىت گيننەسس رەكوردتار كىتابى ەندى
استانا. قازاقپارات - 17 جاستاعى امەريكالىق رۋبەن لۋكس تۆايس شاشى ەڭ ۇزىن جاس ءوسپىرىم رەتىندە گيننەسس رەكوردتار كىتابىنا ەندى. بۇل تۋرالى كىتاپتىڭ رەسمي سايتىندا حابارلانادى.
ونىڭ شاشىنىڭ ۇزىندىعى - 161 سانتيمەتر. ول 2 جاستان باستاپ شاشىن قيماعان. سەبەبى ول شاش الاتىن قۇرىلعىدان شىعاتىن دىبىستان قورىققان. كەيىن ەسەيگەن سوڭ شاشىن مۇلدە قيماۋعا بەكىنگەن. بۇعان سەبەپ - ءوزى تارايتىن تايپانىڭ داستۇرىندە، جەرگىلىكتى حالىق اراسىندا ۇزىن شاشتىڭ ماڭىزى زور.
رەكوردتىڭ دۇرىس-بۇرىسىن انىقتاۋ ءۇشىن گيننەسس رەكوردتار كىتابىنىڭ وكىلدەرى ونى شاشتارازعا ەرتىپ كەلىپ، شاشىن ۇستەلگە جايىپ، ولشەدى. 161 سانتيمەتر. ناتيجەسىندە ول الەم بويىنشا شاشى ەڭ ۇزىن جاس ءوسپىرىم رەتىندە رەكوردسمەن اتاندى.
