ش ق و-دا ەر ادامنىڭ بالاسىنا اليمەنت بويىنشا قارىزى 10 ميلليون تەڭگەدەن اسىپ كەتكەن
وسكەمەن. KAZINFORM - شىعىس قازاقستان وبلىسىندا ەر ادامنىڭ بالاسىنا اليمەنت بويىنشا قارىزى 10 ميلليون تەڭگەدەن اسىپ كەتكەن.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وسكەمەن قالاسىندا پوليتسەيلەر اليمەنت تولەمەيتىندەردى ىزدەستىرۋ جۇمىستارى بارىسىندا 2011 -جىلدان بەرى كامەلەتكە تولماعان بالاسىنا اليمەنت تولەمەگەن 40 جاستاعى ەر ادامدى انىقتاعان. قارىز سوماسى 10 ميلليون تەڭگەدەن اسىپ كەتكەن.
«كوشى-قون قىزمەتىنە حابارلاسقان جەكە سوت ورىنداۋشىسىنىڭ قاۋلىسىمەن اليمەنت وندىرۋشىگە سوت شەشىمىن ورىنداماعانى ءۇشىن ىزدەستىرۋ جاريالانعان. ءتارتىپ ساقشىلارى بورىشكەردىڭ قايدا ەكەنىن انىقتادى. ەندى جاقىن ارادا سوت ورىنداۋشىلارى قارىزدى ءوندىرىپ الۋمەن اينالىسادى»، - دەلىنگەن اقپاراتتا.
وسى جىلدىڭ باسىنان باستاپ شىعىس قازاقستان وبلىسىنىڭ پوليتسەيلەرى بالاسىنا اليمەنت تولەمەي جۇرگەن 35 ادامدى انىقتادى.
ەسكە سالساق، وسىعان دەيىن اليمەنت تولەمەگەن ب ق و تۇرعىنى سوتتالعانى حابارلانعان.
اۆتور
تالعاتجان مۇحامەتبەك ۇلى
