دزيۋدو: ەلوردا تورىندە پاريج وليمپياداسىنا ۇپاي ۇلەستىرەتىن سوڭعى جارىس وتەدى

استانا. KAZINFORM - دزيۋدودان پاريج وليمپياداسىنا ۇپاي ۇلەستىرەتىن سوڭعى الەمدىك Qazaqstan Barysy Grand Slam تۋرنيرى استانا قالاسىندا جاقسىلىق ۇشكەمپىروۆ اتىنداعى جەكپە-جەك سارايىندا وتەدى.

جارىس 10-12-مامىر كۇندەرىنە جوسپارلانعان.

قازىرگى جارىسقا 60 تان استام ەلدىڭ، سونىڭ ىشىندە الەمدىك رەيتينگ كوشباسشىلارى جاپونيا، وڭتۇستىك كورەيا، فرانسيا مەملەكەتتەرىنىڭ سپورتشىلارى تىركەلگەن.

ەستەرىڭىزگە سالا كەتسەك، بۇل دودانىڭ ناتيجەسىندە IJF ەرەجەلەرىنە سايكەس جارىستىڭ جەڭىمپازدارى مەن جۇلدەگەرلەرى اراسىندا الەمدىك جانە وليمپيادالىق رەيتينگتەردە ۇپايلار بولىنەدى.

اتاپ ايتقاندا، I ورىن ءۇشىن 1000، Ⅱ ورىن ءۇشىن – 700، ال Ⅲ ورىن ءۇشىن - 500 ۇپاي ەسەپتەلەتىن بولادى.

قازاقستان دزيۋدو فەدەراتسياسى مەن حالىقارالىق دزيۋدو فەدەراتسياسىنىڭ (IJF) ەكى جاقتى كەلىسىمشارتىنا سايكەس، قازاقستان الەمدىك Grand Slam جارىسىن 2026-جىلعا دەيىن قابىلدايدى.

تاعى ءبىر ايتا كەتەرلىگى، بۇل باسەكە 2024-جىلعى پاريج وليمپياداسىنا رەيتينگتىك ۇپاي بەرەتىن سوڭعى Grand Slam جارىسى بولماق.

جارىس باعدارلاماسى:

10-مامىر

ايەلدەر: -48 كەلى، -52 كەلى، -57 كەلى

ەرلەر: -60 كەلى، -66 كەلى

11-مامىر

ايەلدەر: -63 كەلى، -70 كەلى

ەرلەر: -73 كەلى، -81 كەلى

12-مامىر

ايەلدەر: -78 كەلى، 78+ كەلى

ەرلەر: 90- كەلى، -100 كەلى، 100+ كەلى.

اۆتور كۇنسۇلتان وتارباي