ديسسەرتاتسيا جازعاندا، جاساندى ينتەللەكت قولدانۋعا رۇقسات بەرىلەدى - ساياسات نۇربەك
استانا. KAZINFORM - عىلىم جانە جوعارى ءبىلىم ءمينيسترى ساياسات نۇربەك عىلىمي جۇمىستار مەن ديسسەرتاتسيا جازعاندا جاساندى ينتەللەكت قولدانۋ ەرەجەسىن ءتۇسىندىرىپ بەردى.
«جاساندى ينتەللەكتىمەن جۇمىس ىستەۋ تاقىرىبىندا ءبىز قازىر جوعارى ءبىلىم سالاسىندا ءوزىمىزدىڭ زاڭنامالىق ەرەجەلەرىمىزدى وزگەرتىپ كەلە جاتىرمىز. مىسالى، ەندى ديسسەرتاتسيا جازعاندا، ماگيسترلىك، دوكتورلىق نەمەسە ستۋدەنتتىك جۇمىستاردى جازعاندا، جاساندى ينتەللەكتىنى قولدانۋعا رۇقسات بەرەمىز. تەك ءبىر شارتپەن - مىندەتتى تۇردە «بۇل ءماتىن ج ي كومەگىمەن جاسالعان» دەپ كورسەتۋ كەرەك. سوندا باعالاۋشى وقىتۋشى ستۋدەنتتىڭ جي- ءدى قالاي قولدانعانىن قارايدى»، - دەدى عىلىم ءمينيسترى ەلوردادا «Digital Kazakhstan: زاماناۋي ءبىلىم بەرۋ» اتتى تامىز سامميتىندە.
س. نۇربەك جاساندى ينتەللەكت - الەۋەتتى ارتتىراتىن وتە قۋاتتى قۇرال ەكەنىن اتاپ ءوتتى.
«مەنىڭ دە جەكە پوزيتسيام، باسقا دا ساراپشىلار مۇنىمەن كەلىسىپ وتىر - جاساندى ينتەللەكتىدەن قورىقپاۋىمىز كەرەك، ونى تۇسىنە ءبىلۋىمىز كەرەك جانە اقىرىنداپ ءبىرىنشى كەزەكتە وقىتۋشىلارىمىزدى، سوسىن وقۋشىلارىمىزدى ج ي- ءدى دۇرىس قولدانا ءبىلۋدى ۇيرەتۋ كەرەك. ول الەۋەتتى ارتتىراتىن وتە قۋاتتى قۇرال، ءبىراق ونى تۇسىنبەسەك سىرتتا قالامىز دەگەن قاۋىپ بار»، - دەدى مينيستر.
ايتا كەتەيىك، بۇعان دەيىن ۇكىمەت باسشىسىنىڭ ورىنباسارى تامارا دۇيسەنوۆا كوللەدج وزاتتارىن ج و و- عا ەمتيحانسىز قابىلداۋ تاجىريبەسىن قايتارۋ كەرەك دەگەن بولاتىن.
