ديماش سىندى ادامدار جاساندى ينتەللەكتىنى قولدانبايدى - WIPO باس ديرەكتورى
استانا. KAZINFORM - گەنەراتيۆتى جاساندى ينتەللەكت ادامدى الماستىرا المايدى. مۇنداي پىكىردى استانا حالىقارالىق فورۋمى اياسىندا وتكەن «جاساندى ينتەللەكت داۋىرىندەگى زياتكەرلىك مەنشىك» سەسسياسىندا دۇنيەجۇزىلىك زياتكەرلىك مەنشىك ۇيىمىنىڭ (WIPO) باس ديرەكتورى دارەن تانگ ايتتى.
- كەيبىرەۋلەر قازاقستاندى بىلمەۋى مۇمكىن. ءبىراق، ديماشتى انىق بىلەدى. ول - تاڭعاجايىپ ءانشى. تاڭعالارلىق وكتاۆادا ءان سالادى. ديماش سىندى ادامدار جاساندى ينتەللەكتىنى قولدانبايدى. ولار قازاقتىڭ ءداستۇرلى مۋزىكالىق اسپاپتارىن پايدالانادى. ءوز داۋىسىمەن ونەر كورسەتەدى. بۇل سالاداعى كەي ادامدار جاساندى ينتەللەكتىنى انيمە سىندى دۇنيەلەر جاساۋعا قولدانۋى مۇمكىن. زياتكەرلىك مەنشىك دامىپ، ءداستۇرلى جاساندى ينتەللەكتى مەن زاماناۋي تەحنولوگيالاردى بىرىكتىرىپ وتىر، - دەدى ول.
ونىڭ ايتۋىنشا، وقىتۋ ءتىلى جانە جاساندى ينتەللەكت جاسايتىن دۇنيەلەر سوڭعى 20-30 جىلدا دامي ءتۇستى.
- سوندىقتان بارىنشا اباي بولعان ءجون. بۇل تەحنولوگيالاردى جاڭا دۇنيە رەتىندە قاراۋدىڭ رەتى جوق. ادامدى الماستىراتىن قۇداي سىندى قاراستىرۋ دا ءجونسىز. گەنەراتيۆتى جاساندى ينتەللەكت ادامدى الماستىرا المايدى. ارينە، ول ادامدى كرەاتيۆتىلىككە ۇيرەتۋى مۇمكىن. ماسەلەن، گەنەراتيۆتى جاساندى ينتەللەكت پيكاسسونى الماستىرۋى مۇمكىن ەمەس. سول سەبەپتى گەنەراتيۆتى جاساندى ينتەللەكتىنى قۇرال رەتىندە عانا قاراستىرۋعا ءتيىسپىز. كەيبىرەۋلەر ماعان «جاساندى ينتەللەكتى تۇبەگەيلى وزگەردى، ءبىزدىڭ ورنىمىزدى باسادى» دەپ جاتادى. مەنىڭشە، ونىڭ اۋىلى ءالى الىس، - دەدى دارەن تانگ.
ايتا كەتەيىك، ەلوردادا استانا حالىقارالىق فورۋمى ءوتىپ جاتىر. فورۋمعا 7000 نان استام قاتىسۋشى تىركەلگەن. ەۋروپا، ورتالىق ازيا، تاياۋ شىعىس پەن افريكا ەلىنەن ب ۇ ۇ، ا ا ۇ، ح ك ۇ جانە د ز م ۇ سياقتى جەتەكشى حالىقارالىق ۇيىمداردىڭ اتىنان 160 تان استام سپيكەر شاقىرىلعان.
ءىس-شارانى اشقان قاسىم-جومارت توقايەۆ ەلىمىز cryptocity دەپ اتالاتىن جاڭا پيلوتتىق جوبانى جۇزەگە اسىرۋدى جوسپارلاپ وتىرعانىن، قازاقستان ب ۇ ۇ قاۋىپسىزدىك كەڭەسىنىڭ قۇرامىن كەڭەيتۋدى قولدايتىنىن ايتتى.
