ديماش قۇدايبەرگەننىڭ جاڭا ءانى ەڭ كوپ تىڭدالعان توپ-100 ءاننىڭ قاتارىنا ەندى

استانا. KAZINFORM - ديماش قۇدايبەرگەننىڭ ورىنداۋىنداعى ءان ەڭ كوپ تىڭدالعان 100 كومپوزيتسيانىڭ قاتارىنا ەندى.

بۇل تۋرالى ءانشى ءوزىنىڭ الەۋمەتتىك جەلىدەگى پاراقشاسىندا ءبولىستى.

- الەمنىڭ تۇكپىر-تۇكپىرىنەن 120 ميلليوننان استام ترەككە قول جەتكىزۋگە مۇمكىندىك بەرەتىن فرانسيالىق Deezer مۋزىكالىق اعىندى پلاتفورماسىندا «Love’s Not Over Yet» ماجارستانداعى ەڭ كوپ تىڭدالعان 100 ءاننىڭ قاتارىنا ەندى، - دەلىنگەن جازبادا.

ايتا كەتەيىك، ونەر يەسىنىڭ رەپەرتۋارىنداعى «Love’s Not Over Yet» ءانى وسىدان 1 اي بۇرىن عانا جارىق كورگەن ەدى.

ەستەرىڭىزدە بولسا، بۇعان دەيىن ديماش قۇدايبەرگەننىڭ اقتاۋدا ەرەكشە جانمەن كەزدەسكەنىن حابارلاعان ەدىك.