20:32, 09 - ءساۋىر 2024 | GMT +5
ديماش قۇدايبەرگەن سۋ تاسقىنىنان زارداپ شەككەندەرگە 15 ميلليون تەڭگە اۋداردى
استانا. KAZINFORM - قازاقستاندىق ءانشى ديماش قۇدايبەرگەن سۋ تاسقىنىنان زارداپ شەككەن قازاقستاندىقتارعا كومەككە ءوز ۇلەسىن قوستى.
ول «دەمەۋ قازاقستان» قايىرىمدىلىق قورىنا 15 ميلليون تەڭگە كولەمىندە قارجىلاي كومەك اۋداردى.
ايتا كەتەيىك، بۇگىن اقتوبەگە ءانشى ديماش قۇدايبەرگەن كەلىپ، 40-ورتا مەكتەپتەگى ەۆاكۋاتسيالىق پۋنكتكە باردى. وندا تۇرعىندارمەن كەزدەستى.
سونىمەن بىرگە گۋمانيتارلىق كومەك ورتالىعىنداعى جۇمىسپەن تانىستى. مۇندا ەرىكتىلەر كۇنى-ءتۇنى جۇمىس ىستەپ ءجۇر.
اقتوبە وبلىسى اكىمى اپپاراتى باسشىسىنىڭ ورىنباسارى ءلاززات ورازبايەۆا اسىرەسە گازەل جۇرگىزۋشىلەرىنىڭ وسىنداي قىسىلتاياڭ كەزدە جاساعان كومەگى جايىندا اڭگىمەلەپ بەردى.
ولار كۇندەلىكتى اۋدان-اۋدانعا گۋمانيتارلىق كومەكتى تەگىن تاسىمالدايدى.
