08:53, 23 - شىلدە 2025 | GMT +5
ديماش قۇدايبەرگەن قىرعىزستاننىڭ حالىق ءارتىسى اتاعىن الدى
استانا. قازاقپارات - 22-شىلدەدە قىرعىزستاننىڭ چولپون-اتا قالاسىنداعى دۇنيەجۇزىلىك كوشپەندىلەر ويىندارىنىڭ ورتالىق يپپودرومىندا «مەيكين ازيا» IV حالىقارالىق مۋزىكا فەستيۆالىنىڭ سالتاناتتى فينالى ءوتتى.
فەستيۆالدىڭ جابىلۋ سالتاناتىندا قىرعىز رەسپۋبليكاسى پرەزيدەنتى سادىر جاپاروۆتىڭ جارلىعىنا سايكەس، قازاقستاننىڭ حالىق ءارتىسى، ءانشى ءارى كومپوزيتور ديماش قۇدايبەرگەنگە «قىرعىز رەسپۋبليكاسىنىڭ حالىق ءارتىسى» قۇرمەتتى اتاعى بەرىلدى.
ماراپاتتى ديماشقا مادەنيەت، اقپارات جانە جاستار ساياساتى ءمينيسترى ميربەك مامبەتالييەۆتىڭ قاتىسۋىمەن قىرعىز رەسپۋبليكاسىنىڭ مەملەكەتتىك حاتشىسى مارات يمانقۇلوۆ تابىستادى.
ەسكە سالا كەتەيىك، بۇعان دەيىن ءانشى ديماش قۇدايبەرگەن الەۋمەتتىك جەلىدە ەرەكشە وبرازداعى سۋرەت، بەينەجازبا جاريالاپ، كورەرمەندى تاڭعالدىرعان ەدى.
