ديماش قۇدايبەرگەن دۋبايدا بەدەلدى سىيلىقتىڭ لاۋرەاتى اتاندى

استانا. KAZINFORM - تانىمال قازاقستاندىق ءانشى ديماش قۇدايبەرگەن دۋبايدا DIAFA جۇلدەسىنىڭ يەگەرى اتاندى.

ءارتىس Instagram داعى پاراقشاسىندا ۇيىمداستىرۋشىلارعا العىسىن ءبىلدىردى.

«DIAFA عا ونەرگە قوسقان ۇلەس ءۇشىن بەرگەن سىيلىققا راحمەت. راحمەت، دۋباي، راحمەت، DIAFA»، - دەپ جازدى ديماش.

DIAFA (Distinctive International Arab Festivals Awards) — دۋبايدا جىل سايىن وتكىزىلەتىن حالىقارالىق پرەميا. ول ونەر، مادەنيەت، بيزنەس جانە گۋمانيتارلىق جۇمىستارعا قوسقان ۇلەستەرى ءۇشىن ءارتۇرلى ەلدەردىڭ كورنەكتى تۇلعالارىن اتاپ وتەدى. لاۋرەاتتار جەتىستىكتەرى مەن حالىقارالىق ساحناداعى ىقپالى ءۇشىن تاڭدالادى.

ەسكە سالساق، قىتايداعى قازاقستان تۋريزم جىلىنىڭ جابىلۋىندا ديماش قۇدايبەرگەننىڭ جاڭا بەينەبايانى تانىستىرىلدى.

فورۋم قاتىسۋشىلارى ديماش قۇدايبەرگەننىڭ «كيەلى مەكەنىم» انىنە ارنالعان جاڭا كليپىن ءبىرىنشى بولىپ تاماشالادى.