دونالد ترامپ قىتايعا باج سالىعىن 145 پايىزعا دەيىن كوتەردى

استانا. KAZINFORM - امەريكانىڭ قىتايدان جەتكىزىلىم باجى 125 پايىز ەمەس، 145 پايىز بولادى، دەپ جازدى اق ءۇي. بۇعان دەيىن بەيجىڭ ا ق ش-قا قارسى تاريفتەردى 84 پايىزعا دەيىن كوتەرگەن بولاتىن، دەپ حابارلايدى DW.

اق ءۇي، 10-ساۋىردە تۇسىندىرگەنىندەي، ءبىر كۇن بۇرىن جاريالانعان 125 پايىزدى ناۋرىز ايىندا ەنگىزىلگەن 20 پايىزعا قوسۋ كەرەك، دەپ حابارلادى باتىستىڭ اقپارات اگەنتتىكتەرى مەن باق.

وسىلايشا، قىتاي ءۇشىن جالپى تاريفتەر 145 پايىزدى قۇرايدى.

ترامپ الىمداردىڭ ءوسۋىن بەيجىڭنىڭ فەنتانيل ەسىرتكىسىنىڭ ساۋداسىنا بايلانىستى ارەكەتسىزدىگىمەن بايلانىستىردى. ول سونداي-اق بەيجىڭدى جاھاندىق نارىققا «جەتكىلىكتى قۇرمەت كورسەتپەيدى» دەپ ايىپتادى.

بۇعان دەيىن قىتايدان كەلەتىن تاۋارلارعا سالىناتىن باج سالىعىن ەكى ەسە، 20 پايىزعا كوتەرۋگە جاۋاپ رەتىندە بەيجىڭ ا ق ش-تان كەلەتىن تاۋارلارعا سالىناتىن باج سالىعى 34 تەن 84 پايىزعا دەيىن وسەتىنىن جاريالاعان.

سوڭعى اپتالاردا دونالد ترامپ قۇراما شتاتتارىنا، سونىڭ ىشىندە ەۋروپالىق وداقتان اكەلىنەتىن ءارتۇرلى تاۋارلارعا ءبىرقاتار ساۋدا تاريفتەرىن ەنگىزدى.

9-ساۋىردە ا ق ش پرەزيدەنتى كوپتەگەن ەلدەرگە قاتىستى كەدەندىك باج سالىعىن ەنگىزۋدى 90 كۇنگە توقتاتتى، ءبىراق بۇل قادامنىڭ قىتايعا قاتىسى جوق. كەرىسىنشە، ق ح ر ءۇشىن 125 پايىزدىق تاريف جاريالاندى.

اۆتور

زارينا تۋعانبايەۆا