دونالد ترامپ پەن يلون ماسك الەۋمەتتىك جەلىنى قالاي پايدالانۋدا
استانا. KAZINFORM - دونالد ترامپتىڭ «Truth Social» جانە يلون ماسكتىڭ «X» الەۋمەتتىك پلاتفورمالارى (بۇرىنعى Twitter)، وقيعالارعا بالامالى كوزقاراس ۇسىناتىن جاڭا، شىنايى اقپارات الاڭىن قۇرىپ جاتىر. اتالعان ماسەلەگە Kazinform-نىڭ مەنشىكتى ءتىلشىسى شولۋ جاسادى.
ترامپ جاقتاستارىنىڭ يدەولوگيالىق ورتالىعى
2021 -جىلى ترامپتىڭ Twitter، Instagram جانە Facebook-تە ۋاقىتشا بۇعاتتالۋىنا، Truth Social پلاتفورماسى جاۋاپ رەتىندە پايدا بولدى. سول ۋاقىتتان بەرى كوپ نارسە وزگەردى: 2022 -جىلدىڭ، قازان ايىندا يلون ماسك «Twitter ميكروبلوگ» قىزمەتىن ساتىپ الىپ، ونىڭ اتىن «X» دەپ وزگەرتتى. ودان قوسا، «Facebook» جەلىسى «Meta» دەپ وزگەرتىلدى. قورتىندىسىندا، ترامپتىڭ Twitter، Instagram جانە Facebook اككاۋنتتارىنا كىرۋ، 2022 جانە 2023 -جىلدارى قالپىنا كەلتىرىلدى. الايدا، بالاما پلاتفورمالار يدەياسى قازىردىڭ وزىندە كەڭىنەن تارالعان.
ترامپتىڭ جاقتاستارى ءۇشىن ءداستۇرلى امەريكالىق مەديادان وزگە بالاما ىزدەگەن پلاتفورماعا اينالعان Truth Social الەۋمەتتىك جەلىسى ونىڭ سايلاۋالدى كامپانياسىنىڭ ارقاسىندا كەڭ تانىمالدىلىققا يە بولدى. پلاتفورمانىڭ تانىمالدىعى ارتقان سايىن ونىڭ نارىقتىق قۇنى دا ەداۋىر ءوستى. قازان ايىندا Truth Social جەلىسىنە يەلىك ەتەتىن Trump Media Technology Group كومپانياسىنىڭ قۇنى 10 ميلليارد دوللاردان استى، ال قىركۇيەك ايىنىڭ سوڭىنان باستاپ ونىڭ اكسيالارى ءتورت ەسە قىمباتتادى.
سايلاۋ ناۋقانى TruthSocial-تى تانىمال ەتتى. بۇل الەۋمەتتىك جەلى نەگىزىنەن ا ق ش- تىڭ 47-سايلانعان پرەزيدەنتىن سىنايتىن، ءداستۇرلى امەريكالىق ب ا ق- قا بالاما ىزدەيتىن، ترامپ جاقتاستارىنىڭ الاڭىنا اينالدى.
پلاتفورما تانىمال بولۋى، ونىڭ نارىقتىق قۇنىنا ايتارلىقتاي اسەر ەتتى. قازان ايىندا Truth Social كومپانياسىنا يەلىك ەتەتىن «Trump Media Technology Group» كومپانياسىنىڭ قۇنى $10 ميلليارد اسسا، قىركۇيەك ايىنىڭ سوڭىنان باستاپ كومپانيا اكسيالارى ءتورت ەسەگە قىمباتتادى.
Truth Social پايدالانۋشىلارعا ساياسي استارى بار سەنزۋرادان الشاق، ەركىن تاقىرىپتاردا پىكىر الماسۋ مۇمكىندىگىن ۇسىنادى، دەپ مالىمدەيدى ونىڭ جاساۋشىلارى. دەگەنمەن، پلاتفورمانىڭ شەكتەۋلى تەحنيكالىق مۇمكىندىكتەرى مەن تار اۋديتورياسى Meta نەمەسە TikTok سياقتى تەحنولوگيالىق الىپتارمەن باسەكەلەسۋگە الەۋەتىنىڭ جەتكىلىكسىز ەكەنىن كورسەتەدى.
بۇل پلاتفورما، قولدانۋشىلار سانى تۋرالى ناقتى مالىمەتتەردى جاريالاماسا دا، 2024 -جىلدىڭ اقپان ايىنداعى ساراپشىلاردىڭ باعالاۋى بويىنشا، الەۋمەتتىك جەلىنىڭ اي سايىنعى بەلسەندى قولدانۋشىلارى شامامەن 5 ميلليون ادامدى قۇرادى. سالىستىرا كەتسەك، باسەكەلەس الەۋمەتتىك جەلىلەر TikTok پەن Facebook ءتىڭ اي سايىنعى اۋديتورياسى سايكەسىنشە 1 ميلليارد جانە 3 ميلليارد قولدانۋشىعا جەتەدى.
Truth Social پلاتفورماسىندا 8 ميلليوننان استام جازىلۋشىسى بولعانىمەن، ترامپ TikTok, Instagram جانە X سياقتى الەۋمەتتىك جەلىلەردە اناعۇرلىم كەڭ اۋديتوريامەن بايلانىسادى. بۇل جەلىلەردە ونىڭ جازىلۋشىلار سانى سايكەسىنشە 14,4 ميلليون، 29 ميلليون جانە 94 ميلليون ادامعا جەتەدى.
