دوللاردىڭ ءوسىمى باسپانا قۇنىنا اسەر ەتتى مە

استانا. KAZINFORM – ق ر ونەركاسىپ جانە قۇرىلىس ۆيتسە-ءمينيسترى قۋاندىق قاجكەنوۆ وسىعان دەيىن ا ق ش دوللارى باعامىنىڭ وسىمىنەن كەيىن قازاقستاندا باسپانا قۇنىنىڭ وزگەرۋى مۇمكىندىگىنە قاتىستى سۇراققا جاۋاپ بەردى.

«ءبىزدىڭ مينيسترلىك «وتباسى بانكپەن» بىرلەسىپ نارىقتاعى تۇرعىن ءۇي باعاسىنا تالداۋ جاسادىق. قازىر باسپانا قۇنىنىڭ ءوسۋى بايقالمادى»، - دەدى ق. قاجكەنوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، تۇرعىن ءۇي باعاسىنىڭ وزگەرۋى الداعى ۋاقىتتا نارىقتاعى سۇرانىس پەن ۇسىنىسقا بايلانىستى بولادى.

بيىل قازان ايىندا قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا 1 دوللاردىڭ تەڭگەگە شاققانداعى باعامى ءوستى.

17-قازاندا قور نارىعىندا دوللار ارزاندادى.