دۇنيەجۇزىلىك كوشپەندىلەر ويىندارىنىڭ جابىلۋ سالتاناتى كورەرمەنسىز وتەدى

استانا. KAZINFORM - استانادا ءوتىپ جاتقان دۇنيەجۇزىلىك كوشپەندىلەر ويىندارى بۇگىن اياقتالادى. 13-قىركۇيەك كۇنى وتەتىن جارىستىڭ جابىلۋ سالتاناتى كورەرمەنسىز وتەدى.

ويىندار ديرەكسياسى بيۋدجەتتىڭ قىسقارۋىنا بايلانىستى شارانىڭ سالتاناتتى شارالار مەن كورەرمەنسىز حاتتامالىق فورماتتا وتەتىنىن ءتۇسىندىردى. الايدا جابىلۋ سالتاناتىن قازاقستاندىق جەتەكشى تەلەارنالاردان تىكەلەي ەفيردە كورۋگە بولادى. ۇيىمداستىرۋشىلار ويىنداردىڭ جابىلۋىنا ارنالعان بيلەتتەر ساتىلىمى تۋرالى حابار تاراعانىن ايتتى. بيلەتتەردىڭ ساتىلمايتىنى جانە كەز كەلگەن ۇسىنىستىڭ الاياقتىق ەكەنى رەسمي تۇردە ايتىلدى.

«جابىلۋ ءراسىمى تەك قاتىسۋشىلارعا ارنالعان جانە كورەرمەندەردىڭ قاتىسۋىنسىز وتەدى»، - دەپ اتاپ ءوتتى ۇيىمداستىرۋشىلار.

ەستەرىڭىزگە سالا كەتەيىك، دۇنيەجۇزىلىك كوشپەندىلەر ويىندارى اياسىندا سپورتشىلار 21 ويىن ءتۇرى بويىنشا باق سىناسا، ەتنواۋىلداعى مادەني باعدارلامادا كۇن سايىن 100-گە دەيىن ءىس-شارا قامتىلعان. ۇلتتىق مۋزەيدە 12 ەلدىڭ ساراپشىلارى قاتىسقان «كوشپەندىلەر: تاريح، ءبىلىم، تاعىلىم» اتتى حالىقارالىق كونفەرەنسيا اياقتالدى.

8-13-قىركۇيەك ارالىعىندا استانادا كوشپەلى ءومىردىڭ ءتۇرلى مادەنيەتى مەن ءداستۇرىن كورسەتەتىن كوشپەندىلەر ويىندارىنا الەمنىڭ 89 ەلىنەن 2500-گە جۋىق ادام قاتىسىپ جاتىر.