دۇنيەجۇزىلىك بانك: قازاقستان بايلىعىنىڭ 10 پايىزىن سالىق جەڭىلدىكتەرى جۇتىپ جاتىر

دۇنيەجۇزىلىك بانكتىڭ قازاقستانداعى تۇراقتى وكىلى اندرەي ميحنيەۆ قازاقستان سالىق جەڭىلدىكتەرىنە تىم كوپ شىعىن جۇمساپ جاتقانىن ايتتى، دەپ حابارلايدى قازاقپارات ءتىلشىسى.

«ءبىز مەملەكەت قاراجاتىن دۇرىس باسقارا الماعان گرەكيا، ارگەنتينا سياقتى ەلدەردىڭ جاعىمسىز تاجىريبەسىن بىلەمىز. بۇل قاراپايىم وتباسى بيۋدجەتىنە ۇقساس. ەگەر وتباسىلىق شىعىندار ونىڭ رەسۋرسىنان اسىپ كەتسە، تۇرمىس قۇلدىراي باستايدى. سونىڭ سالدارىنان بورىشتاردى وتەۋ مۇمكىن بولماي كەتەدى. ەكونوميكادا دا ءدال وسىلاي»، - دەدى ول دۇنيەجۇزىلىك بانكتىڭ قازاقستاننىڭ بيۋجەت ساياساتىن تالداعان شولۋ تانىستىرىلىمىندا.

دۇنيەجۇزىلىك بانك ساراپشىلارىن ەلدەگى الەۋمەتتىك شىعىنداردىڭ توقتاۋسىز ءوسىپ جاتقانى الاڭداتىپ وتىر.

«كەز كەلگەن ەلدىڭ دامۋ باعىتىن بيۋجەت ساياساتى ايقىندايدى. بيۋجەت ساياساتىن تابىستى ىسكە اسىرىپ جاتقان ەلدەر بار ما دەپ سۇراپ وتىرسىز عوي. بۇل ماسەلەگە ۇزاق مەرزىمدە قاراپ كورەيىك. مىسالى، قازاقستاندا قانداي جاعداي بولىپ جاتىر؟ مۇنداي وڭتايلاندىرۋ پروبلەماسى بار. ءبىزدىڭ شولۋدا قازاقستاننىڭ الەۋمەتتىك باعىتتارعا وتە كوپ شىعىن جۇمسايتىنى الاڭداتادى. ەلدىڭ جالپى ىشكى ءونىمىنىڭ 8 پايىزى سالىق جەڭىلدىكتەرىنە كەتىپ جاتىر. بۇل نەگىزى بيۋجەتتىڭ شىعىسى بولىپ ەسەپتەلەدى. بۇل اقشانىڭ ءبارى بەلگىلى ءبىر سالالارعا كاسىپورىندار اشۋعا كومەكتەسەدى. ول كومپانيالار ءتيىمدى بولۋى دا مۇمكىن، ءتيىمسىز بولۋى دا مۇمكىن. ياعني، ەلدىڭ بايلىعىنىڭ 10 پايىزدايى سالىق جەڭىلدىكتەرىنە جۇمسالىپ جاتىر»، - دەدى اندرەي ميحنيەۆ.