دەنى ساۋ ۇرپاقتى ومىرگە اكەلۋ ءۇشىن جۇكتى ايەلدەر نەنى بىلگەنى دۇرىس
الماتى. KAZINFORM - ايەلدەردە ساۋ جۇكتىلىك پەن دەنى ساۋ بالانى ومىرگە اكەلۋ مۇمكىندىگىن ارتتىراتىن ءىس-قيمىل جوسپارىن ازىرلەۋ ءۇشىن اكۋشەر- گينەكولوگتەن ۋاقتىلى كەڭەس الۋ ماڭىزدى. بۇل تۋرالى الماتى قالاسىنىڭ №2-پەريناتالدىق ورتالىعىنىڭ اكۋشەر- گينەكولوگ دارىگەرى ماقسات جەكسەمبيەۆ ايتىپ بەردى.
دارىگەردىڭ ايتۋىنشا، جۇكتىلىك كەزىندە فولي قىشقىلى ماڭىزدى ءرول اتقارادى.
«ونى جۇكتىلىكتىڭ باسىندا قابىلداۋ نارەستەدە جۇلىن گرىجاسى جانە انەنسەفاليا سياقتى جۇيكە تۇتىگىنىڭ اقاۋلارىنىڭ دامۋ قاۋپىن ازايتادى. سونىمەن قاتار، فولي قىشقىلى انەميانىڭ جانە باسقا ماسەلەلەردىڭ الدىن الۋ ارقىلى انانىڭ دەنساۋلىعىن ساقتاۋعا كومەكتەسەدى»، - دەيدى اكۋشەر-گينەكولوگ.
ول گراۆيدارالدى دايىندىق كەزىندە دارىگەرگە سوزىلمالى اۋرۋلار تۋرالى ايتۋ، سونداي-اق، ولاردىڭ جۇكتىلىككە اسەرىن جانە قاجەتتى ساقتىق شارالارىن قابىلداۋدى قوسا العاندا، دارىگەرمەن بارلىق اسپەكتىلەردى تالقىلاۋ ماڭىزدى.
«بالاعا قاۋىپ-قاتەردى ازايتۋ ءۇشىن ەمدەۋدى بەيىمدەۋ نەمەسە ءدارى-دارمەكتىڭ مولشەرىن وزگەرتۋ قاجەت بولۋى مۇمكىن. سونىمەن قاتار، دەنساۋلىقتى ساقتاۋ جانە جۇكتىلىك كەزىندە ديەتا، فيزيكالىق بەلسەندىلىك جانە ءوزىن-ءوزى كۇتۋدىڭ باسقا اسپەكتىلەرى تۋرالى دارىگەردىڭ ۇسىنىستارىن ورىنداۋ ماڭىزدى»، - دەپ اتاپ ءوتتى ماقسات جەكسەمبيەۆ.
اۆتور
دۋمان ارعىنگەلدى
