دەنساۋلىق ساقتاۋ مينيسترلىگى «انالار ساۋلىعى» باعدارلاماسىن ازىرلەدى
استانا. KAZINFORM - دەنساۋلىق ساقتاۋ مينيسترلىگى جاسوسپىرىمدەردىڭ رەپرودۋكتيۆتىك دەنساۋلىعىن ساقتاۋ جانە فەرتيلدىك جاستاعى ايەلدەردىڭ دەنساۋلىعىن نىعايتۋ ماقساتىندا 8 ءىس-شارادان تۇراتىن «انالار ساۋلىعى» باعدارلاماسىن ازىرلەدى.
مينيسترلىكتىڭ باسپا ءسوز قىزمەتى مالىمدەگەندەي، ۋچاسكەلىك دارىگەرلەر ونىڭ دەنساۋلىعىنىڭ يندەكسىن انىقتاۋ ءۇشىن فەرتيلدىك جاستاعى ءاربىر ايەلدى تەكسەرەدى. جۇكتىلىكتى جوسپارلايتىن ايەلدەر، جاس قىزدار مەن جاسوسپىرىمدەر ەرەكشە باقىلاۋدا بولادى. قاۋىپسىز جۇكتىلىكتى قامتاماسىز ەتۋ ءۇشىن ساۋىقتىرۋ شارالارى جۇكتىلىك باستالعانعا دەيىن گراۆيدارالدى دايارلىق تۇرىندە جۇرگىزىلەدى.
گراۆيدارالدى دايارلىق - دەنساۋلىق جاعدايىن باعالاۋعا جانە ەرلى-زايىپتىلاردى بالا كوتەرۋگە، كەيىننەن جۇكتىلىككە جانە ساۋ بالانىڭ تۋۋىنا دايارلاۋعا باعىتتالعان دياگنوستيكالىق، پروفيلاكتيكالىق جانە ەمدەۋ ءىس-شارالارىنىڭ كەشەنى.
«ەلىمىزدىڭ ءاربىر ايەلى جاس كەزىنەن باستاپ ۋاقتىلى جانە ساپالى مەديتسينالىق كومەك الۋى ماڭىزدى. ەلىمىزدىڭ ءاربىر ايەلىن ەمحاناعا بارىپ، جۇكتىلىكتى جوسپارلاۋ الدىندا تەكسەرۋدەن وتۋگە شاقىرامىز. بۇگىنگى تاڭدا ءبىزدىڭ ەلدە 10 ميلليوننان استام ايەل تۇرادى، ونىڭ 4,7 ميلليونى فەرتيلدىك جاستاعى ايەل.
ولار وتباسىلاردا ورتالىق ءرول اتقارادى. ايەلدەر دەنساۋلىعىن ساقتاۋ جانە نىعايتۋ - ءبىزدىڭ تۇراقتى الەۋمەتتىك- دەموگرافيالىق دامۋىمىزدىڭ نەگىزى»، - دەدى دەنساۋلىق ساقتاۋ مينيسترلىگىنەن.
اۆتور
ەلميرا ورالبايەۆا
