دەنەدەگى تۇكتى قىرسا، قالىڭداي تۇسەتىنى راس پا؟

استانا. KAZINFORM - «شاشتى تاقىرلاپ الىپ تاستاۋ كەرەك، سوندا قالىڭ بولىپ وسەدى» دەگەن تۇسىنىكتى عالىمدار راستامايدى، - دەپ حابارلايدى Massaget.kz ءتىلشىسى.

ادام دەنساۋلىعىنا قاتىستى دالەلدەنبەگەن نەمەسە قاتە ەكەنى راستالعان اقپارات جەتەرلىك. «شاشتى تاقىرلاپ الىپ تاستاۋ كەرەك، سوندا قالىڭ بولىپ وسەدى» دەگەن تۇجىرىمنىڭ ميف ەكەنىنە سەنەتىندەر از.

دەنساۋلىققا قاتىستى نانىم-سەنىمنىڭ ەڭ ەسكىسى وسى بولار. ساقال-مۇرتى تەبىندەپ شىعىپ كەلە جاتقان جاس ءوسپىرىم جىگىتتەر دە بۇل تۇسىنىككە سەنەدى. سودان بولار، قايتا-قايتا قىرىنۋدى ادەتكە اينالدىرىپ الادى. الايدا شىن مانىندە قىرىنعاندا تۇكتىڭ ولگەن ۇشى عانا الىنادى، ال ءتۇبى تەرى استىندا ءبارىبىر قالىپ قالادى. تۇك قالىڭداعان سياقتى بولىپ كورىنەتىن سەبەبى مىناۋ: ساقال-مۇرت وسكەن سايىن قاتتىراق ءارى جۋانىراق بولادى. ءبىراق بەلگىلى ءبىر ۇزىندىققا جەتكەن سوڭ قىرىنۋعا دەيىنگى كەزدەگىدەي سەلدىرەپ، جۇقا بولىپ كەتەدى.

تۇكتىڭ قالىڭ بولۋى گەن مەن گورموندار دەڭگەيىنە بايلانىستى. ادام بويىنداعى اندروگەندەر (تەستوستەرون، ديگيدروتەستوستەرون) تۇكتىڭ وسۋىندە ماڭىزدى ءرول اتقارادى. ەسەيە كەلە ەر ادامدارداعى تۇك تە قالىڭداي ءتۇسۋى مۇمكىن، ءبىراق ءبارى گورمونعا بايلانىستى. تۇك قۇرىلىمى وزگەرمەيدى، بار بولعانى ونىڭ تامىر ءتۇسى قارالاۋ ءارى جۋانداۋ. سوندىقتان قىسقا شاش قارا قويۋ، قۋاتتى بولىپ كورىنەدى.