دەمالىس كۇندەرى اۋا رايى جاۋىن-شاشىندى بولادى

استانا. قازاقپارات – «قازگيدرومەت» الداعى ءۇش كۇنگە ارنالعان اۋا رايى بولجامىن جاريالادى.

اتلانتيكالىق سيكلوننىڭ اسەرىنەن قازاقستاننىڭ باسىم بولىگىندە اۋا رايىنىڭ تۇراقسىز سيپاتى كۇتىلەدى، جاۋىن-شاشىن (جاڭبىر، قار) وتەدى، سولتۇستىكتە، شىعىستا، ەلدىڭ ورتالىعىندا كوكتايعاق پەن بوران بولادى دەپ بولجانۋدا. تەك ەلىمىزدىڭ باتىسىندا، وڭتۇستىگىندە، وڭتۇستىك-شىعىسىندا اۋا رايى نەگىزىنەن جاۋىن-شاشىنسىز بولادى دەپ كۇتىلۋدە.

قازاقستان بويىنشا تۇمان مەن جەل كۇشەيەدى دەپ كۇتىلۋدە.

تەمپەراتۋرالىق فوندا كۇرت وزگەرىستەر كۇتىلمەيدى.