دەمەۋ جادىرايەۆتىڭ باپكەرلىككە كەتكەنى دۇرىس شىعار - يۋري مەلنيچەنكو

استانا. KAZINFORM - گرەك-ريم كۇرەسىنەن ۇلتتىق قۇرامانىڭ باس باپكەرى يۋريي مەلنيچەنكو Kazinform تىلشىسىنە بەرگەن سۇحباتىندا پاريج وليمپياداسىنىڭ كۇمىس جۇلدەگەرى دەمەۋ جادىرايەۆتىڭ سپورتتاعى كەلەشەگى تۋرالى پىكىرىن ايتتى.

«دەمەۋ جاسى كەلگەن سپورتشى. وعان سپورتتاعى مانسابىن اياقتاپ، تالىمگەر نەمەسە قانداي دا ءبىر سپورتتىق ۇيىمنىڭ باسشىلىعىنا كەتۋ قيسىندى دەپ ويلايمىن. ونىڭ زەيىنى مەن پاتريوتتىق دەڭگەيى وتە جوعارى»، - دەيدى داڭقتى سپورتشى.

ايتۋىنشا، دەمەۋ جادىرايەۆتىڭ ورنىن باساتىن جاستار بارشىلىق.

«ءبىرىنشى كەزەكتە ستاتيستيكاعا ءمان بەرۋ كەرەك. جاستار اراسىندا الەم چەمپيونى اتانعان، الەم چەمپيوناتىنىڭ جۇلدەسىن العان، ازيا چەمپيونى اتانعان جاستار بار. ۇلتتىق قۇرامانىڭ نەگىزگى رەزەرۆى سولار. بۇعان دەيىن دە سولاي بولعان. سولاي بولا بەرەدى دە. ولاردان بولەك ەش جەردە كوزگە تۇسپەسە دە ەڭبەكقور، سپورتقا ءومىرىن ارناعان شەبەرلەر بار. ەلىمىزدە كۇرەسپەن اينالىساتىنداردىڭ سانى از ەمەس. سول ساندى ساپاعا اينالدىرۋ كەرەك»، - دەيدى يۋري مەلنيچەنكو.