دۋبايدا تولاسسىز جاۋعان جاۋىن سۋ تاسقىنىنا اكەلدى
استانا. KAZINFORM - بىرىككەن اراب امىرلىكتەرىنىڭ قالالارىندا قاتتى جاڭبىر جاۋىپ تۇر. ەل بيلىگى مەكتەپتەر مەن مەملەكەتتىك مەكەمەلەردى ونلاين- عا جىبەردى، دەپ حابارلايدى euronews.
تولاسسىز جاۋعان جاۋىن دۇيسەنبىدە دۋباي مەن ءابۋ- دابي قالالارىنىڭ كەي اۋداندارىندا سۋ تاسقىنى مەن كولىك قوزعالىسىنىڭ توقتاۋىنا اكەلىپ سوقتىردى، دەپ جازدى Gulf News باسىلىمى.
ەلدە كۇن رايىنا بايلانىستى قاۋىپتىلىكتىڭ قىزعىلت سارى دەڭگەيى جاريالاندى.
ب اء ا ۇلتتىق مەتەورولوگيالىق ورتالىعى ەلدىڭ بىرنەشە قالاسى ءۇشىن ەسكەرتۋ جاريالادى، ول سەيسەنبى كۇنى تۇسكە دەيىن كۇشىندە بولادى.
دۋباي پوليتسياسى اۋا رايىنىڭ قولايسىزدىعى تۋرالى ەسكەرتەتىن حابارلامالار تاراتىپ، تۇرعىنداردى شىعاناق جاعالاۋىنان الىس ءجۇرىپ، كولىك جۇرگىزۋ كەزىندە قىراعى بولۋعا شاقىردى.
بيلىك ءبىلىم مەكەمەلەرىنە ۋاقىتشا قاشىقتان وقۋعا رۇقسات بەردى.
