دارىگەر تىزە سىقىرلاۋىنىڭ سەبەبىن اتادى

وستەوپات دميتري سيمكين تىزە سىقىرلاۋىنىڭ نەگىزگى سەبەپتەرىن اتادى، - دەپ حابارلايدى ماسساگەت ءتىلشىسى «گازەتە. Ru»-گە سىلتەمە جاساپ.

артрит
فوتو: ە. تۇردىبەكوۆانىڭ جەكە مۇراعاتىنان

ارتروز

«تىزەنىڭ سىقىرلاۋى - بۇل ءجيى كەزدەسەتىن جاعداي، ءبىراق ول اركەز اۋرۋمەن بايلانىستى ەمەس. مىسالى، وتىرىپ-تۇرۋ جاتتىعۋى كەزىندە تىزەنىڭ جايلاپ سىقىرلاۋى قالىپتى بولىپ سانالادى. ادەتتە ول جاتتىعۋدى جاقىندا عانا باستاعان ادامداردا كەزدەسەدى جانە تۇراقتى جاتتىعۋلاردان سوڭ وزدىگىنەن كەتەدى. قاراپايىم سەرۋەندەۋ كەزىندە تىزە سىقىرلاسا، قىتىرلاعان داۋىس ەستىلسە، بۇل ءسىزدى ويلاندىرۋى كەرەك. اسىرەسە ەگەر دىبىستار تەك ءبىر تىزەدە ەستىلسە. بۇل قانمەن قامتاماسىز ەتىلمەگەندىكتەن جانە بۋىننىڭ دۇرىس تاماقتانباۋىنان بولاتىن ديستروفيالىق وزگەرىستەردى كورسەتۋى مۇمكىن. كوپ جاعدايدا بۇل ارتروزدى بىلدىرەدى»، - دەپ ءتۇسىندىردى دارىگەر.

ارتروز كوبىنە جەتكىلىكسىز فيزيكالىق بەلسەندىلىك پەن ارتىق سالماق سالدارىنان داميدى. سونداي-اق ونى تىزەنىڭ نەمەسە دەنەنىڭ باسقا بولىكتەرىنىڭ جاراقاتتارى تۋىنداتۋى مۇمكىن.

ارتريت

«تىزە سىقىرلاپ قانا قويماي، سونداي-اق اۋىرسىنۋ، ءىسىنۋ جانە قىزارۋ بولسا، بۇل ارتريتتەن تۋىنداعان بۋىننىڭ قابىنۋى بولۋى مۇمكىن. ورنىڭ ارتروزدان ايىرماشىلىعى - اۋرۋ قانمەن قامتاماسىز ەتۋدىڭ بۇزىلۋىمەن بايلانىستى ەمەس. ارتريت كوبىنە اۋتويممۋندى جانە جۇقپالى پاتولوگيالار اياسىندا، سونداي- اق پوداگرا جانە اعزاداعى باسقا مەتابوليكالىق بۇزىلۋلار كەزىندە داميدى»، - دەپ اتاپ ءوتتى سيمكين.

مايتابان
تىزە سىقىرلاۋىنىڭ تاعى ءبىر ىقتيمال سەبەبى - ءبىرىنشى نەمەسە ەكىنشى تيپتەگى مايتاباندىلىق. بۇل جاعدايدا ماسەلە ورتوپەد نەمەسە وستەوپاتقا جۇگىنۋ ارقىلى شەشىلەدى.

«ورتوپەديالىق ەمدەۋ تاماقتانۋدى قالپىنا كەلتىرۋ جانە بۋىن قۇرىلىمدارىنىڭ سەرپىمدىلىگىن جاقسارتۋ ءۇشىن ارنايى ۇلتاراقتاردى جانە ءارتۇرلى پرەپاراتتاردى (ىشكە دە، سىرتقا دا) كيۋدى قامتيدى. وستەوپاتيالىق ەمدەۋ اياق پەن بالتىر سۇيەكتەرىنىڭ ءوزارا ورنالاسۋىن قالىپقا كەلتىرۋگە باعىتتالعان. بۇل بۋىن قوزعالىسىنىڭ تراەكتورياسىن جانە ونىڭ قانمەن قامتاماسىز ەتىلۋىن قالپىنا كەلتىرۋگە، سونداي- اق دارىلىك تەراپيانىڭ تيىمدىلىگىن ارتتىرۋعا مۇمكىندىك بەرەدى»، - دەپ قورىتىندىلادى دارىگەر.

سوڭعى جاڭالىقتار