دارىگەر قان قىسىمىن قالاي دۇرىس ولشەۋ كەرەگىن ءتۇسىندىردى

الەم بويىنشا 1 ميلليارد 28 ميلليون ەرەسەك ادام گيپەرتونيا نەمەسە جوعارى قان قىسىمىنان زارداپ شەگەدى.

بۇل اۋرۋعا شالدىققان ادام سانىنا بايلانىستى كوپشىلىك اۋزىندا جۇرگەن اڭگىمە دە كوپ. مىسالى كەيبىرەۋلەر قان قىسىمىن قايتا- قايتا ولشەپ تۇرۋ كەرەك دەپ ايتىپ جاتادى. بۇل قانشالىق دۇرىس؟ دارىگەر الەكساندر مياسنيكوۆ قان قىسىمىن قالاي دۇرىس ولشەۋ كەرەگىن ءتۇسىندىردى، - دەپ حابارلايدى «mail.ru».

دارىگەردىڭ ايتۋىنشا، قان قىسىمىن قايتالاپ ولشەي بەرۋ جاعدايدى تەك قيىنداتادى.

«ءار جارتى ساعات سايىن قان قىسىمدى ولشەۋ جاقسىلىققا اكەلمەيدى. سونداي-اق، قان قىسىمىن كەم دەگەندە ەكى رەت ولشەۋ كەرەك، سەبەبى بىرىنشىسىندە ءسىز قوبالجىپ، قاتەلەسۋىڭىز مۇمكىن»، - دەدى ول.

سونىمەن قاتار، قان قىسىمىڭىزدى باسىڭىزدىڭ اۋىرعانىنا قاراپ باعالاماڭىز.

«نەگىزىنەن جوعارى قان قىسىمىنىڭ بەلگىسى جوق، ارينە، باس اۋىرىپ، اينالۋى مۇمكىن، ءبىراق ول قان قىسىمىمەن ءاردايىم سايكەس كەلە بەرمەيدى»، - دەيدى مامان.

وعان قوسا، الەكساندر مياسنيكوۆ ەلەكتروندى تونومەتردى قولدانۋدان قورىقپاۋ كەرەگىن جەتكىزدى.

گيپەرتونيادان زارداپ شەگەتىن ادامدارعا تۇزدى از مولشەردە تۇتىنعان ءجون، ال ەگەر مۇلدە باس تارتا الماساڭىز، كۇنىنە 3 گرامنان ارتىق جەمەڭىز. 10 كۇن بويى تۇز جەمەسەڭىز قان قىسىمىڭىز ۇنەمى ءبىرقالىپتا تۇرۋى ابدەن مۇمكىن.

گيپەرتونياعا قارسى ءدارى تامىزعىش قابىلداۋعا بولا ما؟

«گيپەرتونيانى ەمدەۋ ءۇشىن ءدارى-دارمەكتى دۇرىس مولشەر مەن ۋاقىتتا قابىلداۋ كەرەك، بۇدان بولەك ىشەتىن ءدارى تۇرىنەن دە شاتاسپاۋ كەرەك. ال ءدارى تامشىلارىن قابىلداۋ مۇلدە دۇرىس ەمەس»، - دەپ ءتۇسىندىردى دارىگەر.

ايتا كەتەيىك، بۇعان دەيىن قان قىسىمىن ءتۇسىرۋ ءۇشىن قانداي جاتتىعۋ جاساعان ابزال ەكەنى حابارلانعان بولاتىن.

قان قىسىمى جوعارى ادامدارعا ۇيدە وتىرىپ جاساۋعا ىڭعايلى ەڭ ءتيىمدى دەنە جاتتىعۋ - ول سوزىلۋ مەن كەرىلۋ. ياعني، دەنەنى سوزۋ. مۇنداي جاتتىعۋعا كوپ ۋاقىت كەتپەيدى ءارى كينو كورىپ وتىرىپ- اق جاساۋعا بولادى.