دارىگەر 35 جاستان اسقاندار مىندەتتى تۇردە تۇتىنۋى كەرەك ءونىمدى ايتتى
استانا. KAZINFORM - 35 جاستان اسقان ادامدارعا وڭاي سىڭەتىن اقۋىزدى كوبىرەك تۇتىنۋ ۇسىنىلادى. ويتكەنى بۇل جاستا اعزادا بۇلشىقەت ماسساسىنىڭ جوعالۋىنا نەمەسە ساركوپەنياعا بايلانىستى پروتسەستەر باستالادى.
بۇل تۋرالى تەراپيەۆت گالينا ۆولكوۆا ايتتى، - دەپ حابارلايدى ر ي ا نوۆوستي.
«بۇل جاعدايدا ءبىز نە نارسەگە باسا نازار اۋدارامىز؟ 35 جاستان كەيىن ساركوپەنيا دامي باستايدى، بۇل ادام بۇلشىقەت ماسساسىن جوعالتا باستاعاندا بولاتىن جاسقا بايلانىستى وزگەرىس. بۇل جاعدايدا اقۋىز ونىمدەرىن تۇتىنۋعا ەرەكشە نازار اۋدارۋ كەرەك، ولاردىڭ ديەتادا بولۋى ماڭىزدى»، - دەدى گالينا ۆولكوۆا.
ديەتولوگتىڭ ايتۋىنشا، وڭاي سىڭەتىن اقۋىزدى تاڭعى اس كەزىندە، مىسالى، جۇمىرتقا مەن سۇزبەدەن الۋعا بولادى.
سونىمەن قاتار ولاردى دايىنداۋ ءادىسىن ەسكەرۋ ماڭىزدى. ويتكەنى تەرميالىق وڭدەۋدەن وتكەن سۇزبەلى قۇيماق نەمەسە ىرىمشىك كومەشى اقۋىز ەمەس، كومىرسۋ بولادى.
«ال وڭاي سىڭەتىن اقۋىزدى كەشكى نەمەسە تۇسكى اس كەزىندە العىڭىز كەلسە، اپتاسىنا 2-3 رەت قىزىل ەت، باسقا جاعدايلاردا قۇس ەتى نەمەسە بالىق جەگەنىڭىز ابزال. وسىلايشا، مۇندا ءپىسىرۋ ءادىسى دە ۇلكەن ماڭىزعا يە. قىزىل ەت پەن قۇس ەتىنەن الىنعان اقۋىز تارتىلعان تۇرىندە جاقسى سىڭەدى. ءبىز ءپىسىرۋ ءادىسىن تاڭدايمىز: بۋمەن ءپىسىرۋ، فولگا استىندا قىرتىسسىز ءپىسىرۋ نەمەسە قايناتۋ»، - دەدى گالينا ۆولكوۆا.
