دانا ورمانبايەۆانىڭ ىسىمەن ينتەرپول اينالىسىپ جاتىر - باس پروكۋراتۋرا
استانا. KAZINFORM - جۋرناليست دانا ورمانبايەۆانىڭ ورنالاسقان جەرىن انىقتاۋمەن ينتەرپول اينالىسىپ جاتىر. بۇل تۋرالى ءماجىلىس كۋلۋارىندا باس پروكۋردىڭ ورىنباسارى عالىمجان قويگەلديەۆ ءمالىم ەتتى.

باس پروكۋروردىڭ ورىنباسارى ونىڭ قىلمىستىق كودەكستىڭ 174-بابى - ۇلتتىق ارازدىقتى قوزدىرۋ بويىنشا ىزدەۋدە ەكەنىن راستادى.
تەرگەۋ ارەكەتتەرى ونىڭ ورنالاسقان جەرىن انىقتاۋعا باعىتتالعان. بۇل جۇمىسپەن ينتەرپول اينالىسۋدا.
«وعان حالىقارالىق ىزدەۋ جاريالاندى، ءىستىڭ باسىم كوپشىلىگى الاياقتىق بابى بويىنشا. ونىڭ ناقتى قايدا ەكەنىن ايتا المايمىن. ءبىراق الەۋمەتتىك جەلىلەردە ونىڭ ب ا ءا- دەن پىكىر ءبىلدىرىپ جاتقانى جازىلدى. بىزدە ازىرگە ونداي اقپارات جوق. تەرگەۋ اياقتالعان سوڭ، سوت وتىرىسى وتە ما، جوق پا بەلگىلى بولادى»، - دەدى عالىمجان قويگەلديەۆ.
ايتا كەتەيىك، دانا ورمانبايەۆاعا قاتىستى قىلمىستىق ءىس 2024-جىلدىڭ ساۋىرىندە قوزعالدى. ىسكە الەۋمەتتىك جەلىلەردەگى جاريالانىمدار نەگىز بولدى.