دابىل مەن اتىس: الماتىلىقتارعا ەسكەرتۋ جاسالدى

الماتى. KAZINFORM - الماتى قالاسىندا 26-قىركۇيەكتە اۋماقتىق قورعانىس بويىنشا «قورعاۋ-2024» ارنايى تاكتيكالىق وقۋ-جاتتىعۋى وتەدى.

وقۋ-جاتتىعۋ جەتىسۋ اۋدانىندا، «ج ە و-1» اۋماعىندا وتەدى. الماتى اكىمدىگى قالا تۇرعىندارى مەن قوناقتارىن دىبىستىق ەففەكتىلەرگە الاڭداماۋعا شاقىردى.

- وقۋ-جاتتىعۋ بارىسىندا ءارتۇرلى قارۋدى قولدانۋدىڭ سىرتقى بەلگىلەرىنە ۇقسايتىن جابدىقتار قولدانىلادى. وسىعان بايلانىستى قالا تۇرعىندارى مەن قوناقتارىنا الاڭداماۋدى جانە تەك رەسمي اقپاراتقا سەنۋگە شاقىرامىز، - دەپ حابارلادى الماتى قالاسىنىڭ سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى.

ەسكە سالايىق، بۇعان دەيىن الماتىدا مارافونعا بايلانىستى بىرنەشە كوشە جابىلاتىنىن جازعانبىز.

سونداي-اق الماتىدا تۇنگى ۋاقىتتا سەيفۋللين داڭعىلىندا قوزعالىس شەكتەلەدى.