ءۇندىستاندا التىن قورىنىڭ ۇلەسى كۇرت ارتتى

اقپاراتقا سايكەس، 2023 -جىلى ءۇندىستان ەلدەگى التىن قورىنىڭ شامامەن 38 پايىزىنا يە بولدى. 2026 -جىلدىڭ ناۋرىزىندا بۇل كورسەتكىش شامامەن %77 عا دەيىن ءوستى.

ءۇندى ەكونوميستەرىنىڭ پىكىرىنشە، بۇل ساياسات بىرنەشە فاكتورعا بايلانىستى. ولاردىڭ قاتارىندا شەتەلدىك اكتيۆتەرگە تىيىم سالۋ ءقاۋپى، سونداي-اق تاياۋ شىعىستاعى قاقتىعىستىڭ ءورشۋى بار. وسىنىڭ اياسىندا ءۇندىستان بيلىگى ەكونوميكالىق قاۋىپسىزدىكتى نىعايتۋعا جانە سىرتقى ساقتاۋ ورىندارىنا تاۋەلدىلىكتى ازايتۋعا ۇمتىلۋدا.

ونىڭ ۇستىنە ءۇندىستاننىڭ وزىندە التىنعا دەگەن قىزىعۋشىلىق ارتىپ كەلەدى. دۇنيەجۇزىلىك التىن كەڭەسىنىڭ مالىمەتى بويىنشا ەلدەگى جالپى التىن تۇتىنۋ قاڭتاردان ناۋرىزعا دەيىن 10,2 پايىزعا ءوسىپ، 151 مەتريكالىق توننانى قۇرادى.

ينۆەستيتسيالىق سۇرانىس تا ايتارلىقتاي ءوستى، ءۇندى كومپانيالارىنىڭ التىنعا سالعان ينۆەستيتسياسى ءبىر جىلدا %52 ءوسىپ، 82 تونناعا جەتتى.

ساراپشىلار ءۇندى ينۆەستورلارىنىڭ التىنعا دەگەن قىزىعۋشىلىعى ودان ءارى جالعاسادى دەپ بولجايدى.

وسىعان دەيىن ءۇندىستان پرەمەر-ءمينيسترى نارەندرا مودي ازاماتتاردى شىعىندى ازايتىپ، كۇندەلىكتى ادەتتەرىن وزگەرتۋگە شاقىرعانى تۋرالى جازعان بولاتىنبىز.

ەسكە سالايىق، ەۋروپانىڭ ورتالىق بانكتەرى التىن قورىن ا ق ش-تان اكەتىپ جاتىر.