ءىرى سالىق تولەۋشىلەرگە مونيتورينگ جۇيەسىز جۇرگىزىلەدى - ءاليحان سمايىلوۆ
استانا. قازاقپارات - 2024 -جىلى كىرىستەر بويىنشا بولجام باستاپقىدا بەكىتىلگەن جوسپاردان 2 تريلليون تەڭگەگە تومەندەتىلدى. بۇل تۋرالى جوعارى اۋديتورلىق پالاتانىڭ ءتوراعاسى ءاليحان سمايىلوۆ ءمالىم ەتتى.
- بىلتىر ساۋىردە مەملەكەتتىك جوسپارلاۋ جۇيەسى جاڭارتىلدى. الايدا ورتالىق مەملەكەتتىك ورگاندار دامۋ جوسپارىن ۋاقىتىلى بەيىمدەي المادى. سالدارىنان مەملەكەتتىك ورگانداردىڭ دامۋ جوسپارىنىڭ 7 نەگىزگى ۇلتتىق ينديكاتورىنا جانە 20 نىسانالى ينديكاتورىنا قول جەتكىزىلمەدى. 2024 -جىلعى كىرىس بويىنشا بولجام باستاپقىدا بەكىتىلگەن جوسپاردان 2 تريلليون تەڭگەگە تومەندەتىلدى. ءبىراق، ناقتىلانعان جوسپار دا 609 ميلليارد تەڭگەگە ورىندالماعان، - دەدى ءاليحان سمايىلوۆ ءماجىلىستىڭ جالپى وتىرىسىندا.
جوعارى اۋديتورلىق پالاتا باسشىسىنىڭ مالىمەتىنشە، سالىقتىق تەكسەرۋلەر سانىنىڭ ارتقانىنا قاراماستان، ءوندىرىپ الۋ پايىزى ەكى ەسەدەن اسا تومەندەدى.
- 249 ءىرى سالىق تولەۋشىگە مونيتورينگ جۇيەسىز جۇرگىزىلەدى. ناتيجەسىندە قوسىمشا ەسەپتەلگەن سوما نەبارى 643 ميلليون تەڭگەنى نەمەسە ءىرى سالىق تولەۋشىلەردەن تۇسكەن تۇسىمدەردىڭ %0,01 ىن عانا قۇرادى. جالپى 2024 -جىلى سالىق جيناۋ كولەمى 2023 -جىلمەن سالىستىرعاندا %4,7 تومەندەگەن، - دەپ تولىقتىردى ءاليحان سمايىلوۆ.
ايتا كەتەلىك ءاليحان سمايىلوۆ يۋيۋدجەتكە 135 ميلليارد تەڭگە قايتارىلعانى جونىندە ەسەپ بەرگەن ەدى.
