عىلىمي جوبا گرانتتارى قانداي سالالارعا بەرىلىپ جاتىر

استانا. KAZINFORM - عىلىم جانە جوعارى ءبىلىم مينيسترلىگى Kazinform ساۋالىنا جولداعان جاۋابىندا عىلىمي جوبا گرانتتارى قاي سالالارعا كەتىپ جاتقانى تۋرالى مالىمەت بەردى.

«قازىرگى تاڭدا 2022-جانە 2023 -جىلدارى وتكىزىلگەن كونكۋرستاردىڭ قورىتىندىسى بويىنشا، عىلىمي جانە عىلىمي- تەحنيكالىق قىزمەتتى كوممەرتسيالاندىرۋ جوبالارىن گرانت ارقىلى قارجىلاندىرۋ اياسىندا ەكونوميكانىڭ باسىم باعىتتارىندا 137 جوبا ىسكە اسىرىلىپ جاتىر»، - دەلىنگەن جاۋاپتا.

ونىڭ ىشىندە اگروونەركاسىپ كەشەنى مەن اۋىلشارۋاشىلىق شيكىزات وڭدەۋگە باعىتتالعان 52 جوبا قولعا الىنعان.

سونداي- اق، سيفرلاندىرۋ سالاسىندا - 14 جوبا، ماشينا جاساۋدا - 11 جوبا، وڭدەۋ ونەركاسىبىندە - 11 جوبا، ەكولوگيادا - 11 جوبا، حيميا ونەركاسىبىندە - 9 جوبا، دەنساۋلىق ساقتاۋ سالاسىندا - 8 جوبا، گەولوگيالىق بارلاۋ، تابيعي پايدالى قازبالار وندىرىسىندە - 4 جوبا، ەنەرگەتيكا كەشەنىن جاڭعىرتۋدا - 4 جوبا، ساپالى بىلىمگە ارنالعان 3 جوبا، جەڭىل ونەركاسىپ سالاسىندا - 2 جوبا، مەتاللۋرگيا، مەتالل وڭدەۋدە - 2 جوبا، ۇلتتىق قاۋىپسىزدىكتى نىعايتۋ سالاسىندا - 2 جوبا، مۇناي- گاز- حيميا سالاسىندا - 1 جوبا، مەملەكەتتىڭ باعدارلامالاردا كوزدەلگەن باسقا دا سالالاردا - 3 جوبا گرانت ارقىلى ىسكە اسىرىلىپ جاتىر.

اۆتور

ەسىمجان ناقتىباي