عىلىم مينيسترلىگى تالاپكەرلەر ەڭ كوپ قۇجات تاپسىراتىن ج و و- لاردى اتادى

  استانا. KAZINFORM - عىلىم جانە جوعارى ءبىلىم مينيسترلىگى Kazinform ساۋالىنا جولداعان جاۋابىندا تالاپكەرلەر ەڭ كوپ قۇجات تاپسىراتىن جوعارى وقۋ ورىندارىن اتادى.

ۆەدومستۆونىڭ دەرەگى بويىنشا، رەسپۋبليكادا 120 ج و و جۇمىس ىستەپ تۇر. ونىڭ 11 ءى ۇلتتىق، 29 ى مەملەكەتتىك، 14 ءى ازاماتتىق ەمەس (اسكەري، قۇقىق قورعاۋ ماماندارىن دايارلايتىن) 1 ەۋى اۆتونومدى، 1 ەۋى حالىقارالىق، 16 سى اكسيونەرلەنگەن، 48 ءى جەكە مەنشىك.

«بۇگىندە استانا، الماتى، شىمكەنت سياقتى ءىرى قالالاردا ورنالاسقان تانىمال جوعارى وقۋ ورىندارىنىڭ ءتىزىمى وزگەرىسسىز قالىپ وتىر. ونىڭ ىشىندە ءال- فارابي اتىنداعى ق ا ز ۇ ۋ، اباي اتىنداعى ق ا ز ۇ پ ۋ، ل. گۋمەليەۆ اتىنداعى ەۇۋ جانە وزگەلەرى بار»، - دەپ جازىلعان جاۋاپتا.

وڭىرلىك جوعارى وقۋ ورىندارىنىڭ ىشىندە شەتەلدىك ۋنيۆەرسيتەتتەردىڭ فيليالدارى اشىلعان ۇيىمداردىڭ ءباسى جوعارى ەكەنى دە ايتىلعان.

«ستراتەگيالىق سەرىكتەستىك اياسىندا بارلىق ءوڭىر وقۋ ورىندارىندا جەتەكشى شەتەلدىك ج و و- لاردىڭ فيليالدارى اشىلىپ جاتىر. ولاردىڭ ءبارى جاستاردىڭ ۇلكەن قىزىعۋشىلىعىن تۋدىرىپ وتىر. مىسالى، بىلتىر م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ بازاسىندا اشىلعان اريزونا ۋنيۆەرسيتەتىنىڭ فيليالىنا 18 وڭىردەن تالاپكەرلەر كەلىپ ءتۇستى»، - دەيدى مينيسترلىكتەگىلەر.